1 Samuel 26:5 - Pijin Bible

⁵ Hemi go kolsap long olketa ya fo faendem barava ples wea Sol wetem Abna tufala slip long hem. Abna hu hemi san blong Na, hemi komanda blong ami blong Sol. Nao Deved hemi lukim dat tufala slip long midol long olketa soldia.

Pijin Deuterocanon

⁵ Hemi go kolsap long olketa ya fo faendem barava ples wea Sol wetem Abna tufala slip long hem. Abna hu hemi san blong Na, hemi komanda blong ami blong Sol. Nao Deved hemi lukim dat tufala slip long midol long olketa soldia.

1 Samuel 26:5 Iomraidhean Croise

2 Samuel 3:27

Taem Abna hemi kam kasem ples ya, Joab hemi tekem hem go long geit blong bikfala wolston blong taon. Hemi mekem hemi luk olsem hemi laekem tok kuaet wetem hem seleva. An long ples ya nao, hemi holem naef, an busarem Abna long bele blong hem an kilim hem dae. Hemi duim samting ya bikos Abna hemi bin kilim dae brata blong hem Asahel.

1 Kronikols 9:39

Na hemi bonem Kis, an Kis hemi bonem Sol. Sol hemi garem fofala san wea nem blong olketa i olsem: Jonatan, an Malkisua, an Abinadab, an Es-Baal.

1 Samuel 17:20

So long neks de, long eli moning, Deved hemi sendem wanfala long olketa man blong hem fo go lukaftarem olketa sipsip. Den hemi tekem olketa kaikai ya an hemi go olsem wea dadi blong hem hemi bin talem hem. Hemi kasem ples blong ami long semtaem wea olketa soldia i stanbae fo faet, an long taem wea olketa singaot bikfala fo faet.

1 Samuel 17:55

Taem King Sol hemi lukim dat Deved hemi go fo faetem Golaeat, hemi askem Abna, disfala komanda blong ami blong hem olsem, “?Abna, san blong hu nao ya?” Abna hemi ansa, “Olsem yu laef, mi barava toktru, mi nating save.”

1 Samuel 26:4

So hemi sendem go samfala man fo faendemaot olsem nius ya hemi tru o nomoa. An olketa talem kam long hem wea hemi tru.

1 Samuel 9:1

Nao wanfala risman hemi stap wea nem blong hem Kis an olketa tinghae tumas long hem. Dadi blong hem nao Abiel, an grani blong hem Seroa wea hem bon kam long Bekorat, an Bekorat hemi bon kam long Afaea long traeb blong Benjamin.