1 Samuel 25:11 - Pijin Bible

¹¹ !Olketa kaikai an wata an olketa animol wea mi kilim fo fist ya, i blong olketa man hu i katem hea blong olketa sipsip blong mi! !Mi no save givim enisamting long olketa man wea mi no save long olketa!”

Pijin Deuterocanon

¹¹ !Olketa kaikai an wata an olketa animol wea mi kilim fo fist ya, i blong olketa man hu i katem hea blong olketa sipsip blong mi! !Mi no save givim enisamting long olketa man wea mi no save long olketa!”

1 Samuel 25:11 Iomraidhean Croise

Stori abaotem Job 31:17

Evritaem mi givim kaikai long olketa pikinini wea dadi blong olketa i dae finis.

2 Korin 6:9

Samfala talem dat olketa no save long mifala, bat evriwan save long mifala nomoa. Mifala kolsap fo dae nao, bat mifala laef yet. Samfala panisim mifala, bat olketa no bin kilim mifala dae.

Galesia 6:10

Dastawe nao, long evri taem wea samting hemi kamap, yumi mas duim olketa gudfala samting long evri pipol. An bikfala samting nao hemi fo duim diswan long olketa pipol hu i stap insaet long famili blong God.

Diutronomi 8:17

“So yufala mas lukaot, nogud yufala tingse strong blong yufala nomoa hemi mekem yufala kamap olsem risman.

1 Pita 4:9

An yufala mas hapi nomoa fo letem olketa fren fo kam long haos blong yufala.

Jajis 8:15

Gidion hemi go long olketa man blong Sukot, hemi tok olsem long olketa, “?Ei, yufala tingim wei wea yufala bin tokspoelem mifala? Yufala bin tok olsem, ‘?Waswe nao bae mifala givim kaikai long yufala? !Yufala no kasholem tufala sif ya yet!’ !Lukim go, tufala nao ya!”

Jajis 8:6

Bat olketa lida blong taon ya i tok olsem long hem, “?Waswe nao bae mifala givim kaikai long yufala? !Yufala no holem tufala sif ya yet!”

Jajis 8:8

Den olketa kasem ples long Peniel, an hemi askem kaikai long olketa blong taon ya tu. Bat olketa talem semsamting wea olketa blong Sukot i bin talem.

1 Samuel 24:13

!Yu save long olfala toktok olsem, ‘Olketa samting nogud, olketa man nogud nao i duim.’! !Mi no save duim enisamting nogud long yu!

1 Samuel 25:12

So olketa yangman i kambaek long Deved, an talem hem evri toktok blong Nabal.

1 Samuel 25:7

“Deved hemi herem dat yu gohed fo katem hea blong olketa sipsip blong yu. Olketa man fo lukaftarem olketa sipsip blong yu i bin stap wetem mifala, an mifala nating duim eni nogud samting long olketa. Oltaem, long taem wea olketa stap wetem mifala long Kaamel, no eniwan hemi stilim enisamting long olketa.