1 Samuel 25:10 - Pijin Bible

¹⁰ Go-go, Nabal hemi tok olsem, “?Deved? ?Hu nao san blong Jese? !Tude, ples ya hemi fulap long olketa slev wea i ranawe from masta blong olketa!

Pijin Deuterocanon

¹⁰ Go-go, Nabal hemi tok olsem, “?Deved? ?Hu nao san blong Jese? !Tude, ples ya hemi fulap long olketa slev wea i ranawe from masta blong olketa!

1 Samuel 25:10 Iomraidhean Croise

2 Samuel 20:1

Nao wanfala ravis man hemi stap long datfala ples long Gilgal. Man ya, nem blong hem Seba, san blong Bikri long traeb blong Benjamin. Hemi bloum trampet, an hemi singaot long olketa soldia blong Israel olsem, “!Deved hemi no blong yumi! !Disfala san blong Jese i no blong yumi! !Yumi evriwan blong Israel, yumi gobaek long hom blong yumi!”

1 Kings 12:16

Bat taem olketa blong Israel i lukim dat king hemi no lisin long olketa, samfala singaot bikfala olsem, “!Deved hemi no blong yumi! !Disfala san blong Jese i no blong yumi! !Yumi evriwan blong Israel, yumi gobaek long hom blong yumi! !Letem laen blong Deved lukaftarem olketa seleva!” So olketa blong Israel i go long hom blong olketa.

Eksodas 5:2

Bat king ya hemi tok olsem, “?Hu nao Yawe? ?Waswe nao mi mas obeim hem an letem olketa blong Israel i go? !Mi nating save long Yawe! !Mi no save letem yufala go!”

Provebs 15:1

Tok isi long man wea hemi kros, bae hemi kol moa, tokstrong long hem, bae hemi hot moa.

Eklesiastes 7:10

Hemi no waes fo yu ask olsem, “?Waswe nao, evrisamting long bifoa kam hemi barava gud tumas winim distaem?”

Aesaea 32:5

Bae pipol i no tinghae moa long olketa krangge pipol an no mekhae moa long olketa man fo laea.

Aesaea 32:7

Wei blong olketa man fo laea hemi barava ravis tu, an oltaem nomoa olketa planem fo spoelem olketa pua pipol, nomata olketa garem raet long olketa samting wea hemi barava blong olketa.

Jajis 9:28

Nao Gaal hemi tok olsem, “!Olketa! ?Yumi evriwan long hia i pipol blong Sekem, an yumi watkaen pipol ya? !Olo wea yumi kamaot long hem nao Hamoa, dadi blong Sekem, so sif blong yumi mas kamaot long laen blong hem! ?Waswe nao yumi gohed nomoa fo duim olketa samting wea Abimelek hemi talem? !Hemi no bikman blong ples ya! !Hemi wanfala long olketa san blong Jerub-Baal nomoa ya. !Yufala lukim! Sebul hemi bosim yumi, bat hemi duim nomoa evrisamting wea sif ya hemi talem. Hemi nating stret fo yumi falom disfala sif ya.

1 Samuel 20:30

Bat Sol hemi barava kros fogud long hem an hemi toksuea olsem, “!Yu pikinini blong ravis woman! !Distaem mi save dat yu fren wetem san blong Jese! !Yu spoelem nem blong yu wetem nem blong mami blong yu!

1 Samuel 22:2

An olketa man hu i trabol, o i garem kaon wea i no save peim, o olketa hu i kros long samting, olketa tu kam joenem hem. Long wei olsem, Deved hemi kamap lida long 400 pipol.

1 Samuel 25:9

Den olketa yangman i go talem toktok blong Deved long Nabal, an olketa we-weit.