1 Samuel 24:9 - Pijin Bible

⁹ Deved hemi tok olsem, “!Hemi nogud fo yu lisin long olketa man hu i talem dat mi trae fo kilim yu!

Pijin Deuterocanon

⁹ Deved hemi tok olsem, “!Hemi nogud fo yu lisin long olketa man hu i talem dat mi trae fo kilim yu!

1 Samuel 24:9 Iomraidhean Croise

Sams 101:5

Bae mi kilim dae eniwan hu hemi tokhaed fo spoelem nem blong narafala man. An bae mi giraotem eniwan hu hemi praod.

Sams 141:6

Taem yu jajem olketa bikman ya long ae blong olketa pipol, fo olketa nogud samting wea olketa duim, bae olketa pipol i luksave nao wea olketa toktok blong mi abaotem olketa hemi tru.

Provebs 16:28

Ravis man hemi mekem raoa kamap, Man hemi toksmol, hemi mekem olketa fren brekaot.

Provebs 17:4

Ravis man hemi laekem ravis tok. Man fo laea hemi laekem laea.

Provebs 18:8

Toktok abaotem nara man, hemi olsem nambawan samting wea yu laek fo kaikaim.

Provebs 25:23

Komburu tekem kam ren, ravis tok tekem kam kros.

Provebs 26:28

Man fo laea, hemi heitem olketa hemi spoelem. Suit toktok save spoelem evrisamting.

Provebs 29:12

Taem bikman lisin long laea, evri wakaman long gavman blong hem bae kamap nogud.

Jeremaea 37:18

An hemi askem hem olsem, “King. ?Waswe nao yu putum mi long prisin? Mi no duim eni rong samting agensim yu, o agensim olketa bikman blong yu, o agensim olketa pipol long ples ya. Evri profesi wea mi bin talemaot hemi truwan.

Levitikas 19:16

An yufala mas no tokspoelem o laea abaotem eniwan. An taem eni wantok hemi go long kot, yufala mas no duim enisamting wea hemi save mekem olketa kilim dae disfala wantok fo panisim hem. Yufala mas no duim olketa samting ya, bikos mi nao Yawe.

Jemes 3:6

Maos blong man hemi olsem faea tu, bikos hemi save talem enikaen ravis samting nomoa. Nomata hemi wanfala smolfala pat nomoa long bodi, bat hemi save spoelem ful bodi blong yumi fo nogud. An hemi save barava spoelem tu laef blong yumi, wetem samting wea hemi barava kam from hel.

1 Samuel 20:1

Deved hemi ranawe from Naeot long Rama. Hemi go lukim fren blong hem Jonatan, an hemi tok olsem long hem, “?Wanem nao mi duim rong? Mi no brekem eni lo. ?Wanem nao mi mekem wea hemi nogud long dadi blong yu, mekem hemi wande kilim mi dae?”

1 Samuel 20:41

Taem boe ya hemi go finis, Deved hemi kamaot from bihaen long ston wea hemi haed long hem. Hemi kam long Jonatan, hemi nildaon an hemi baodaon trifala taem, wea fes blong hem hemi kasem graon. Den tufala kis an tufala krae. Jonatan hemi krae tumas, bat Deved hemi krae go moa.

1 Samuel 24:10

!Hemi gud nao yu luksave! !Distaem long kev, Yawe hemi putum yu finis long paoa blong mi! !Samfala man blong mi i talem mi fo kilim yu dae, bat mi kaen long yu! !An mi talem olketa, olsem mi no save duim eni nogud samting long masta blong mi, bikos yu nao king blong mifala wea Yawe hemi siusim finis!

1 Samuel 24:8

Den Deved hemi kamaot bihaen long hem, an singaot go olsem, “!Ei King, masta blong mi!” Taem Sol hemi lukbaek, Deved hemi nildaon an hemi baodaon go-go fes blong hem kasem graon fo mekhae long hem.

1 Samuel 26:18

?Waswe nao yu gohed fo ronem mi wea mi wakaman blong yu? ?Mi duim wanem long yu? ?Watkaen nogud samting nao mi duim?

1 Samuel 26:19

Hemi gud sapos yu masta an king blong mi, yu lisin long toktok wea bae mi talem. Sapos Yawe hemi mekem yu fo agensim mi, maet wanfala sakrifaes i tanem tingting blong hem fo kamap gud moa long mi. Bat sapos samfala man nomoa i mekem yu fo agensim mi, oraet, letem Yawe hemi mekem bikfala trabol fo kasem olketa. Bikos hemi luk olsem olketa fosim mi aot from lan blong Yawe, an mekem mi fo go long narafala ples fo wosipim olketa narafala god.