1 Samuel 24:7 - Pijin Bible

⁷ So hemi tanem tingting blong olketa man blong hem, mekem olketa no go fo kilim Sol. Oraet, Sol hemi go aotsaet long kev, an hemi wakabaot go.

Pijin Deuterocanon

⁷ So hemi tanem tingting blong olketa man blong hem, mekem olketa no go fo kilim Sol. Oraet, Sol hemi go aotsaet long kev, an hemi wakabaot go.

1 Samuel 24:7 Iomraidhean Croise

2 Samuel 1:14

Den Deved hemi tok olsem, “?Waswe nao yu no fraet fo kilim dae king wea Yawe hemi siusim?

Sams 7:4

o sapos mi duim eni nogud samting long fren blong mi, o sapos mi tekem nating enisamting from enemi blong mi,

Matiu 5:44

Bat mi ya, mi talem long yufala, yufala mas lavem tu olketa enemi blong yufala, an yufala mas prea fo olketa hu i meksave long yufala.

1 Samuel 12:3

Mi stanap wetem yufala nao, so sapos yufala ting olsem mi bin mekem enisamting wea hemi no stret, yufala mas tok long mi distaem long ae blong Yawe an long ae blong king wea hemi bin siusim. Sapos mi bin stilim buluka, o dongki blong eniwan, o mi bin ravem eniwan fo stilim samfala samting blong hem, o mi bin mekful long eniwan, o mi bin tekem seleni long eniwan fo haedem rong blong hem, hemi gud yufala talemaot, mekem mi stretem. Sapos mi bin mekem wanfala samting olsem, distaem bae mi givimbaek samting wea bin mi tekem.”

1 Samuel 24:6

Den hemi toksmol olsem long olketa man blong hem, “Letem Yawe hemi stopem mi fo no mekem eni trabol long masta blong yumi, wea Yawe hemi siusim finis. Mi mas no duim eni nogud samting long hem, bikos Yawe nao hemi siusim hem.”

1 Samuel 24:8

Den Deved hemi kamaot bihaen long hem, an singaot go olsem, “!Ei King, masta blong mi!” Taem Sol hemi lukbaek, Deved hemi nildaon an hemi baodaon go-go fes blong hem kasem graon fo mekhae long hem.

1 Samuel 25:33

Mi talem tengkiu long God from gudfala tingting blong yu, an from samting wea yu mekem distaem. Hem nao stopem mi fo no go kilim dae evriwan. Nogud mi seleva sensimbaek olketa nogud samting wea Nabal hemi duim long mi.

1 Samuel 26:23

Oltaem Yawe hemi duim gudfala samting long olketa wea olketa tinghevi long hem, an wei blong olketa hemi stret. Distaem, hemi putum yu long paoa blong mi, bat mi no save kilim yu, bikos hem nomoa hemi siusim yu fo kamap king.

1 Samuel 26:9

Bat Deved hemi toksmol olsem, “!Nomoa, yu no kilim hem! Yawe nomoa hemi siusim king ya, an hem bae hemi panisim eniwan wea hemi kilim hem dae.