1 Samuel 24:14 - Pijin Bible

¹⁴ ?Yu king blong Israel, waswe nao yu ronem mi? !Mi wanfala dog nomoa wea i dae! !Mi wanfala laos nomoa!

Pijin Deuterocanon

¹⁴ ?Yu king blong Israel, waswe nao yu ronem mi? !Mi wanfala dog nomoa wea i dae! !Mi wanfala laos nomoa!

1 Samuel 24:14 Iomraidhean Croise

2 Samuel 16:9

Den Abisae, san blong Seruia hemi tok olsem long king, “?Waswe nao yu letem disfala ded dog fo tokspoelem yu? ?Yu save letem mi go katemaot hed blong hem?”

2 Samuel 3:8

Disfala toktok hemi mekem Abna fo kros tumas, so hemi tok olsem long Isboset, “?Waswe, yu tingse mi wanfala ravis dog blong Jiuda? Stat kam bifoa nao, mi tinghevi long laen blong dadi blong yu, wetem olketa brata blong hem, an olketa fren blong hem. An mi bin stopem Deved finis fo no winim yufala. !Bat distaem, yu talem dat mi mekem sin wetem disfala woman ya!

2 Samuel 6:20

Taem king hemi kambaek long haos blong hem an hemi talem blesing long famili blong hem, Mikal, dota blong King Sol, hemi kam fo mitim hem. Den Mikal hemi tok long hem olsem, “!Yu King blong Israel! Bat tude yu mekem wanfala samting wea hemi nating fitim biknem blong yu. Yu meksem long yu seleva taem olketa haosgele blong olketa bikman blong yu lukim dat yu no werem spesol kaleko blong yu taem yu dans olobaot. !Yu gohed olsem wanfala man nating nomoa!”

2 Samuel 9:8

Nao Mefiboset hemi baodaon moa, an hemi tok olsem, “!King, mi barava nogud olsem wanfala dog wea hemi dae finis! ?Waswe nao yu laek fo kaen long mi?”

1 Kings 21:7

Den kuin hemi tok olsem, “?Waswe, yu no king long Israel? !Yu getap, an yu kaikai! Yu no wari, bae mi givim plantesin ya long yu.”

Hosia 10:13

Bat yufala gohed nomoa fo plantem olketa ravis wei, dastawe nao yufala garem nomoa ravis frut. An hemi olsem wea yufala kaikaim nao frut long evri laea toktok blong yufala. “Taem yufala lukim dat yufala garem plande soldia, yufala gohed fo trastem nomoa paoa blong yufala seleva.

1 Samuel 17:43

An hemi tok olsem long Deved, “?Waswe, yu tingse mi wanfala dog mekem yu holem kam stik ya?” Den hemi kol go long olketa god blong hem fo tokspoelem Deved.

1 Samuel 26:20

Plis yu no letem mi dae long narafala kantri wea hemi farawe from Yawe. Ating yu king blong Israel laek fo kilim mi olsem mi wanfala laos nomoa. Hem luk olsem wea yu handing fo mi olsem man wea hemi lukaotem bed fo sutim.”