1 Samuel 23:3 - Pijin Bible

³ Bat olketa man blong hem i tok olsem, “Sei, mifala stap long distrik blong Jiuda an long hia mifala fraet finis. Bat sapos yumi go long Keila fo faetem olketa soldia blong Filistia, bae mifala fraet go moa.”

Pijin Deuterocanon

³ Bat olketa man blong hem i tok olsem, “Sei, mifala stap long distrik blong Jiuda an long hia mifala fraet finis. Bat sapos yumi go long Keila fo faetem olketa soldia blong Filistia, bae mifala fraet go moa.”

1 Samuel 23:3 Iomraidhean Croise

Sams 11:1

Mi gohed fo trastem Yawe, an mi stap sef long hem. So olketa fren blong mi i krangge tumas fo tok olsem long mi, “Yu ranawe go long olketa maonten ya olsem wanfala bed wea hemi fraet fogud. Bikos olketa nogud pipol ya i pulumrere olketa bou blong olketa. An olketa nogud pipol ya i stap long tudak an i mekredi finis long olketa aro fo sutim olketa stretfala pipol. Taem evrisamting hemi nogud olsem ya, olketa gudfala pipol i no save duim enisamting nao.”

Jeremaea 12:5

Yawe hemi ansarem mi olsem, “Jeremaea. ?Sapos yu gohed fo resis wetem olketa man an yu taet finis, hao nao yu save resis wetem olketa hos? ?An sapos yu foldaon taem yu wakabaot long open ples wea hemi sef, hao nao yu save wakabaot long bus long saet riva long Jodan?

1 Samuel 23:15

Taem Deved hemi stap long Hores long drae eria kolsap long Jif, hemi jes save dat Sol hemi ka-kam fo kilim hem dae.

1 Samuel 23:2

So hemi prea go long Yawe olsem, “?Waswe, bae mi go faetem olketa man blong Filistia ya?” An Yawe hemi ansa olsem, “Ya, yu go faetem olketa, mekem yu sevem taon long Keila.”

1 Samuel 23:23

Yufala go faendemaot olketa ples wea hemi save haed, an yufala kambaek kuiktaem an talem mi. Bae mi go wetem yufala, an sapos hemi stap long ples ya yet, bae mi lukaotem hem go-go mi faendem hem. Nomata mi go long evriwea long lan blong traeb blong Jiuda, bae mi faendem hem.”

1 Samuel 23:26

Nao Sol wetem olketa man blong hem i stap long wanfala saet long maonten, an Deved wetem olketa man blong hem i long narasaet. Deved wetem olketa man blong hem i hariap fo ranawe from Sol wetem olketa man blong hem, bikos olketa kam kolsap tumas long olketa.

1 Samuel 23:4

Nao, hemi prea go long Yawe moa, an Yawe hemi ansa olsem long hem, “Yufala go long Keila. Mi bae mi putum olketa soldia blong Filistia long paoa blong yufala.”