1 Samuel 23:16 - Pijin Bible

¹⁶ Den Jonatan hemi kam lukim hem long ples ya. An hemi strongim tingting blong Deved fo trastem God.

Pijin Deuterocanon

¹⁶ Den Jonatan hemi kam lukim hem long ples ya. An hemi strongim tingting blong Deved fo trastem God.

1 Samuel 23:16 Iomraidhean Croise

Nehemaea 2:18

An mi talem olketa wea God blong mi hemi blesim mi tumas, wetem olketa toktok wea king hemi bin talem long mi. Nao olketa tok olsem, “Yumi mas statem waka ya.” An olketa mekredi fo statem waka ya.

Stori abaotem Job 16:5

Sapos hemi olsem, ating bae mi strongim tingting blong yu, an toktok blong mi bae mekem yu filgud moa.

Provebs 27:17

Fael sapanem naef. Man sapanem tingting blong nara man.

Provebs 27:9

Insens an naesfala oel save mekem yu hapi, bat fren hemi save mekem yu hapi moa.

Esikiel 13:22

“Mi nating laekem olketa stretfala pipol fo sore, bat yufala gohed fo mekem tingting blong olketa wikdaon long olketa laea blong yufala. Yufala gohed fo helpem olketa nogud pipol, an olketa no save tanebaek nao from ravis wei blong olketa, mekem olketa save sevem laef blong olketa.

Gudnius abaotem Jisas Kraes wea Luk hemi raetem 22:32

Bat mi bin prea fo yu Saemon, mekem yu no lusim biliv blong yu. An taem yu tanebaek kam long mi, yu mas gohed fo helpem olketa brata blong yu fo kamap strong moa.”

Gudnius abaotem Jisas Kraes wea Luk hemi raetem 22:43

An wanfala enjel long heven hemi kam long Jisas an hemi helpem hem fo strong moa.

Efesas 6:10

Nao mi laek fo talem wanfala samting moa. Yufala mas kamap strong moa long strongfala paoa blong Masta blong yumi Jisas Kraes wea yufala stap joen wetem hem.

Diutronomi 3:28

Bat mi laekem yu fo toktok gudfala long Josua, an yu mas mekem tingting blong hem fo strong, bikos hem nao bae hemi lidim olketa pipol fo katkros long Jodan Riva fo tekova long olketa lan wea bae yu lukim.’

2 Timoti 2:1

San blong mi, yu mas gohed strong long kaenfala lav blong God, wea hemi givim kam long yumi from yumi stap joen wetem Jisas Kraes.

1 Samuel 23:15

Taem Deved hemi stap long Hores long drae eria kolsap long Jif, hemi jes save dat Sol hemi ka-kam fo kilim hem dae.

1 Samuel 30:6

Nao bikfala trabol hemi kasem Deved, bikos olketa man blong hem i lusim olketa pikinini blong olketa so olketa kros tumas an talem dat bae olketa sutim hem long ston. Bat Yawe, God blong Deved, hemi mekem tingting blong hem fo kamap strong moa.