1 Samuel 23:13 - Pijin Bible

¹³ So Deved wetem samting olsem 600 man blong hem i goaot from taon ya. Go-go, Deved an olketa i gohed fo muv go olowe nao. An taem Sol hemi herem dat Deved an olketa goaot finis from Keila, olketa no go nao.

Pijin Deuterocanon

¹³ So Deved wetem samting olsem 600 man blong hem i goaot from taon ya. Go-go, Deved an olketa i gohed fo muv go olowe nao. An taem Sol hemi herem dat Deved an olketa goaot finis from Keila, olketa no go nao.

1 Samuel 23:13 Iomraidhean Croise

2 Samuel 15:18

Den olketa bikman blong hem an olketa sekiuriti blong hem hu i olketa man blong Keret an Pelet, olketa mas kam pas long hem. An 600 soldia blong hem, wea olketa i blong Gat long Filistia, olketa ya tu i mas go pas long king.

2 Samuel 15:20

Yufala bin stap long hia fo lelebet taem nomoa. Hemi no stret fo mi pulum yufala go olobaot wetem mi, bikos mi no save long ples wea bae mi go long hem moa. Hemi moabeta fo yu tekem olketa wantok blong yu, an yufala evriwan gobaek. Letem Yawe hemi kaen long yufala an tinghevi long yufala.”

Stori abaotem Job 5:12

Hemi spoelem olketa plan blong olketa ravis man. An mekem olketa ya fo no kasem wanem olketa laekem.

Sams 34:5

Olketa wea i luk go long hem fo help, olketa nao i hapi. An bae olketa no save sem.

1 Samuel 22:2

An olketa man hu i trabol, o i garem kaon wea i no save peim, o olketa hu i kros long samting, olketa tu kam joenem hem. Long wei olsem, Deved hemi kamap lida long 400 pipol.

1 Samuel 25:13

So hemi tok olsem long olketa man blong hem, “!Yufala mas tekem naef fo faet blong yufala!” So olketa evriwan i go duim nao. An hem tu hemi taetem strap blong hem an hangem naef fo faet blong hem. Den hemi letem 200 man fo lukaftarem evrisamting blong olketa, an hemi tekem 400 man wetem hem.