1 Samuel 23:12 - Pijin Bible

¹² Den hemi prea moa olsem, “?Bat waswe long olketa bikman blong Keila ya? ?Bae olketa givim mifala long Sol?” An Yawe hemi som long hem wea bae olketa duim.

Pijin Deuterocanon

¹² Den hemi prea moa olsem, “?Bat waswe long olketa bikman blong Keila ya? ?Bae olketa givim mifala long Sol?” An Yawe hemi som long hem wea bae olketa duim.

1 Samuel 23:12 Iomraidhean Croise

Sams 118:8

Hemi nogud fo pipol i trastem man nomoa, hemi moabeta fo olketa trastem Yawe.

Sams 143:8

Evri moning, plis yu mekem mi tingim wei wea yu tinghevi tumas long mi, bikos yu nomoa mi trastem. Plis yu som mi wei wea mi mas falom, bikos mi dipen long yu nomoa.

Sams 31:8

Yu no save letem olketa enemi blong mi fo kasholem mi, yu mekem mi fri fo go nomoa long ples wea mi laek fo go long hem.

Sams 62:1

Mi stap kuaet nomoa taem mi we-weitem God fo hemi sevem mi. Oltaem mi save trastem hem nomoa.

Aesaea 29:15

(Profet) !Olketa! !Sore tumas long yufala hu i traehad fo haedem olketa ravis plan blong yufala from Yawe! Yufala tingse bae no eniwan save lukim waka blong yufala, an no eniwan save long olketa nogud samting wea yufala duim.

Jeremaea 11:18

(Profet) Wanfala de, Yawe hemi somaot long mi olketa ravis plan wea olketa enemi blong mi i gohed fo mekem agensim mi.

Hibrus 4:13

Long evrisamting wea God hemi mekem, no enisamting nao i save haed long hem. Hemi lukim evrisamting barava klia tumas. An wanfala de, bae yumi stanap frant long God fo hemi jajem yumi long evrisamting yumi bin duim.

Jajis 15:10

Nao olketa man blong Jiuda long ples ya i askem olketa olsem, “?Waswe nao yufala kam fo faetem mifala?” An olketa tok olsem, “Mifala kam fo kasholem Samson fo sensimbaek olketa samting wea hemi bin duim long mifala.”

1 Samuel 23:11

?Waswe, hemi tru bae hemi kam olsem mi herem? ?An sapos hemi kam, waswe, bae olketa bikman blong taon i givim mi go long hem? Plis Yawe, God blong Israel, givim ansa long mi.” Nao Yawe hemi som long hem wea king bae hemi kam.

1 Samuel 23:20

King, mifala save dat yu laekem tumas fo holem hem. Hemi gud yu kam long ples blong mifala, an bae mifala givim hem go long yu.”

1 Samuel 23:7

Nao samwan hemi go talem King Sol wea Deved hemi stap long Keila. So king hemi tok olsem, “God hemi putum hem long han blong mi finis. Hemi go stap long wanfala taon wea hemi garem bikfala wolston raonem wetem bikfala geit wea i save satem hem. !Hemi stap long wanfala trap nao ya!”