1 Samuel 22:4 - Pijin Bible

⁴ So Deved hemi mekem tufala fo stap wetem king blong Moab, an tufala gohed fo stap long ples ya long taem wea Deved hemi haed long wanfala strongfala sef ples.

Pijin Deuterocanon

⁴ So Deved hemi mekem tufala fo stap wetem king blong Moab, an tufala gohed fo stap long ples ya long taem wea Deved hemi haed long wanfala strongfala sef ples.

1 Samuel 22:4 Iomraidhean Croise

2 Samuel 24:11

Nao Yawe hemi tok long Profet Gad, hu hemi man blong King Deved fo lukim spesol drim. Hemi sei olsem, “Gad, yu go lukim king, an talem hem bae mi panisim hem. Trifala panis nao i stap redi fo hem, an hemi mas siusim wanfala fo mi duim agensim hem.” Long neks moning, taem king hemi wekap,

2 Samuel 8:2

Nao Deved hemi go faetem pipol blong Moab, an hemi winim olketa. Den hemi tekem olketa soldia blong Moab, an hemi mekem olketa fo leidaon long graon. Hemi yusim wanfala rop fo makem hu nao long olketa hemi mas dae. Long evri trifala man, hemi kilim tufala man dae, an hemi letem wanfala laef. Bihaen long taem ya, olketa blong Moab i stap andanit long paoa blong hem, an olketa gohed fo peim taks long hem.

1 Kronikols 11:16

King Deved hemi stap long wanfala strongfala sefples antap long hil, an wanfala seksin blong ami blong Filistia i tekova long ples long Betlehem.

1 Kronikols 12:16

Nao samfala man moa long traeb blong Benjamin, an samfala long traeb blong Jiuda, i kam fo lukim Deved long sefples wea hemi stap long hem.

1 Kronikols 21:9

Nao Yawe hemi tok long Profet Gad, hu hemi man blong King Deved fo lukim spesol drim. Hemi sei olsem, “Gad, yu go lukim king, an talem hem bae mi panisim hem. Trifala panis nao i stap redi fo hem, an hemi mas siusim wanfala fo mi duim agensim hem.”

1 Kronikols 29:29

Stori abaotem laef blong King Deved, stat long taem wea hemi kamap king go kasem en long laef blong hem, olketa raetemdaon long buk blong olketa ripot blong Profet Samuel, an Profet Natan, an Profet Gad.

2 Kronikols 29:25

Oraet, king hemi talem olketa Livaet fo tekem olketa kaen gita an olketa simbol, an stap long ples blong olketa long Tambuhaos falom rul blong Yawe wea King Deved, an Profet Gad, an Profet Natan bin talemaot.

Nehemaea 6:11

Bat mi tok olsem long hem, “Mi no kaen man fo ranawe an haed. ?Yu tingse hemi gud fo mi save go haed insaet long Tambuhaos blong God fo sevem laef blong mi? !Bae mi no go!”

Sams 11:1

Mi gohed fo trastem Yawe, an mi stap sef long hem. So olketa fren blong mi i krangge tumas fo tok olsem long mi, “Yu ranawe go long olketa maonten ya olsem wanfala bed wea hemi fraet fogud. Bikos olketa nogud pipol ya i pulumrere olketa bou blong olketa. An olketa nogud pipol ya i stap long tudak an i mekredi finis long olketa aro fo sutim olketa stretfala pipol. Taem evrisamting hemi nogud olsem ya, olketa gudfala pipol i no save duim enisamting nao.”

Matiu 10:23

Taem yufala kasem wanfala taon an olketa pipol long ples ya olketa meksave long yufala, yufala mas ranawe go long narafala taon moa. Mi talem yufala tru samting nao, mi San Blong Man, bae mi kambaek moa long taem wea yufala no finisim yet waka blong yufala long evri taon long Israel.

1 Samuel 22:3

Deved wetem olketa pipol ya i lusim datfala ples, an olketa go long taon long Mispa long Moab. Den hemi askem king blong kantri ya olsem, “?Plis, yu save letem dadi an mami blong mi fo stap wetem yu long hia fastaem, go-go kasem taem wea mi faendemaot wanem nao God bae duim long mi?”

1 Samuel 22:5

Den Profet Gad hemi kam lukim hem, an tok olsem long hem, “Yu mas no stap long disfala strongfala sef ples. Distaem yu mas gobaek long distrik blong Jiuda.” So olketa goaot an stap kam long bus long Heret.