1 Samuel 21:8 - Pijin Bible

⁸ Deved hemi tok olsem moa, “?Waswe, yu garem wanfala spia o naef fo faet wea yu save givim long mi? King hemi hariap tumas long mi, hem nao mekem mi no garem taem fo tekem naef fo faet blong mi, o narafala wepon.”

Pijin Deuterocanon

⁸ Deved hemi tok olsem moa, “?Waswe, yu garem wanfala spia o naef fo faet wea yu save givim long mi? King hemi hariap tumas long mi, hem nao mekem mi no garem taem fo tekem naef fo faet blong mi, o narafala wepon.”

1 Samuel 21:8 Iomraidhean Croise

Esta 8:14

So, olketa man fo karim mesij i tekem olketa toktok ya, an resis go fo givimaot nao olsem wea king bin talem fo olketa. An olketa talemaot tu olketa toktok ya long Susa, mekem evriwan save herem.

Gudnius abaotem Jisas Kraes wea Luk hemi raetem 10:4

An yufala mas no tekem eni paos o eni basket o sandol wetem yufala. An yufala no stop tu fo stori wetem eniwan wea yufala mitim long rod.

1 Samuel 21:7

Long datfala taem, wanfala wakaman blong king hemi stap, wea hemi bikman long olketa man fo lukaftarem sipsip blong king. Olketa holem hem long datfala ples mekem hemi stretem samfala samting blong hem long ae blong Yawe. Disfala man hemi blong Idom an nem blong hem Doeg.

1 Samuel 21:9

Den prist hemi tok olsem, “Wanfala naef fo faet nomoa hemi stap long hia, hemi blong Golaeat, soldia blong Filistia wea yu kilim bifoa long vali long Ela. Mi paselem gudfala long kaleko, an mi putum long bihaen long efod. Sapos yu laekem, yu save tekem. Hem nomoa wanfala samting fo faet wea mi garem long hia.” Deved hemi tok olsem, “!Hem nao, no eni narawan hemi moabeta! Yu givim kam long mi.”

1 Samuel 22:22

Den Deved hemi tok olsem long hem, “Taem mi lukim man blong Idom ya, Doeg, long de ya, mi save olsem bae hemi mas tokabaotem mi long king. Hem nao dae blong olketa famili blong yu hemi rong blong mi.

1 Samuel 22:9

Long datfala taem, disfala man blong Idom, Doeg, hemi stanap wetem olketa bikman blong king. Doeg hemi tok olsem, “Mi bin lukim san blong Jese long Nob long taem wea hemi go lukim Prist Ahimelek, san blong Ahitub.