1 Samuel 20:26 - Pijin Bible

²⁶ King hemi no talem enisamting bikos hemi tingse maet wanfala samting hemi kasem Deved mekem hem no klin long ae blong Yawe, mekem hemi no fit fo kam long fist olsem lo hemi talem.

Pijin Deuterocanon

²⁶ King hemi no talem enisamting bikos hemi tingse maet wanfala samting hemi kasem Deved mekem hem no klin long ae blong Yawe, mekem hemi no fit fo kam long fist olsem lo hemi talem.

1 Samuel 20:26 Iomraidhean Croise

Levitikas 11:24

“Sapos eniwan long yufala hemi tasim bodi blong eni animol wea hemi no klin an hemi dae, bae hemi no klin long ae blong mi go kasem ivining.

Levitikas 11:27

Yufala save dat kaen animol wea fut blong hem hemi olsem dog i no klin long ae blong mi. Olketa kaen animol ya i no klin long ae blong mi an sapos eniwan hemi tasim bodi blong eni animol olsem wea hemi dae, oraet, hem tu bae hemi no klin long ae blong mi.

Levitikas 11:31

Sapos eniwan hemi tasim bodi blong eni animol olsem wea hemi dae, oraet, bae hemi no klin long ae blong mi go-go kasem ivining.

Levitikas 11:40

O sapos wanfala man hemi kaikaim mit blong eni animol olsem, oraet, hemi mas wasim olketa kaleko blong hem, an bae hemi no klin long ae blong mi go-go kasem ivining. An sapos eniwan hemi karim animol olsem, oraet, hemi mas wasim olketa kaleko blong hem, an bae hemi no klin long ae blong mi go-go kasem ivining.

Levitikas 15:5

An sapos narafala man hemi tasim datfala bed, o sidaon long samting wea man ya hemi bin sidaon long hem, oraet, hemi mas wasim olketa kaleko blong hem, an hemi mas suim, an hemi no klin long ae blong mi go kasem ivining.

Nambas 19:16

“An sapos eniwan hemi stap long open ples, an hemi tasim man wea hemi dae long faet, o long eni narafala samting, o hemi tasim bon blong man dae, o hemi tasim beregraon blong man dae, datfala man tu bae hemi no klin long ae blong mi fo sevenfala de.

1 Samuel 16:5

Hemi ansa olsem, “Ya, yu no wari. Mi kam nomoa fo mekem sakrifaes go long Yawe. Yufala go mekem yufala seleva klin long ae blong hem, nao yufala kam joenem mi.” Den hemi go mekem Jese wetem olketa san blong hem fo kamap klin long ae blong Yawe, an hemi talem olketa fo kam long sakrifaes ya.

1 Samuel 20:27

Long neks de blong fist, Deved hemi no stap moa long ples blong hem, nao king hemi askem Jonatan olsem, “?Waswe nao san blong Jese hemi no kam fo kaikai yestade an tude?”