1 Samuel 20:21 - Pijin Bible

²¹ An bae mi sendem wanfala boe fo go lukaotem olketa aro. Maet mi kol go long hem olsem, ‘!Ei! !Hem nao olketa aro ya i stap saet kam long yu! !Yu pikimap!’ Sapos olsem, hem nao hemi minim olsem olketa samting hemi oraet nomoa an yu save kamaot. Mi promis long nem blong Yawe hu hemi laef, hem nao wanem mi save talem sapos hemi oraet.

Pijin Deuterocanon

²¹ An bae mi sendem wanfala boe fo go lukaotem olketa aro. Maet mi kol go long hem olsem, ‘!Ei! !Hem nao olketa aro ya i stap saet kam long yu! !Yu pikimap!’ Sapos olsem, hem nao hemi minim olsem olketa samting hemi oraet nomoa an yu save kamaot. Mi promis long nem blong Yawe hu hemi laef, hem nao wanem mi save talem sapos hemi oraet.

1 Samuel 20:21 Iomraidhean Croise

Jeremaea 12:16

Olketa mas lanem olketa gudfala wei blong pipol blong mi fo falom. Bifoa kam, olketa bin tisim pipol blong mi fo mekem wosip long god Baal nao, an mekem olketa promis long nem blong hem. Bat distaem olketa mas mekem strongfala promis long nem blong mi Yawe nomoa.

Jeremaea 4:2

an sapos taem bae yufala mekem strongfala promis, yufala tok olsem, ‘Mi mekem disfala strongfala promis long nem blong Yawe hu hemi laef,’ an yufala toktru olsem; sapos yufala duim olketa samting ya olsem, bae mi blesim evri pipol long wol, an bae olketa ya i barava mekhae long mi.”

Jeremaea 5:2

Nomata yufala i mekem strongfala promis olsem, ‘Mi mekem disfala strongfala promis long nem blong Yawe hu hemi laef,’ bat yufala no minim nomoa. Yufala laea nomoa.”

Emos 8:14

Olketa long yufala hu i promis strongfala long nem blong olketa kaving god blong olketa long Samaria, an tok olsem, ?Mi promis long nem blong kaving god ya blong Dan,? o tok olsem, ?Mi promis long nem blong kaving god ya blong Beereseba,? bae olketa evriwan mas dae.?

1 Samuel 20:20

Bae mi sutim trifala aro go long ples ya olsem wea mi sutim wanfala mak.

1 Samuel 20:22

Bat sapos mi kolem go long boe olsem, ‘!Ei! !Olketa aro ya, i longwe, long narasaet go!’, hem nao hemi minim olsem yu mas ranawe, bikos Yawe nao hemi talem yu fo goawe.

1 Samuel 20:36

Den hemi tok olsem long boe, “Yu ran go fo pikimap olketa aro wea bae mi sut long hem.” So boe ya hemi stat fo ran, an hemi sut long wanfala aro, an aro ya hemi go winim boe, an hem foldaon farawe.