1 Samuel 20:13 - Pijin Bible

¹³ Bat sapos hemi mekem plan fo spoelem yu, bae mi talem long yu, an bae mi helpem yu fo ranawe. Sapos mi no mekem samting ya, letem Yawe panisim mi. !An mi prea olsem Yawe hemi save stap wetem yu olsem hemi stap wetem dadi blong mi fastaem!

Pijin Deuterocanon

¹³ Bat sapos hemi mekem plan fo spoelem yu, bae mi talem long yu, an bae mi helpem yu fo ranawe. Sapos mi no mekem samting ya, letem Yawe panisim mi. !An mi prea olsem Yawe hemi save stap wetem yu olsem hemi stap wetem dadi blong mi fastaem!

1 Samuel 20:13 Iomraidhean Croise

2 Samuel 19:13

An hemi talem tufala fo go tok olsem long Amasa, “Yu wantok blong mi. Letem God hemi panisim mi nogud, sapos mi no mekem yu fo kamap komanda long ami an sensim Joab.”

2 Samuel 3:35

Long de ya, olketa traehad fo mekem king hemi kaikai. Bat hemi bin mekem wanfala strong promis olsem, “!Bae mi no save kaikaim bred o enisamting moa go-go san hemi godaon! !Letem God hemi panisim mi nogud, sapos mi brekem disfala promis blong mi!”

2 Samuel 7:15

Bat bae mi no save stopem wei wea mi tinghevi long hem, olsem wea mi duim long King Sol taem mi bin aotem hem an mekem yu kamap king.

1 Kings 1:37

Letem hem stap wetem pikinini blong yu, olsem hemi bin stap wetem yu, masta blong mi. An letem hemi stap wetem Solomon an mekem paoa blong hem fo kamap strongfala moa winim paoa blong yu.”

1 Kings 19:2

So kuin hemi sendem wanfala toktok go long Elaeja olsem, “Sapos tumoro long distaem mi no duim long yu semsamting wea yu duim long olketa profet ya, oraet, letem olketa god kilim mi dae.”

1 Kings 20:10

Oraet, Ben-Hadad hemi sendem narafala mesij long King Ehab olsem, “Bae mifala kam spoelem Samaria. An mifala bae brekem evri haos blong yufala, go-go lelebet dast nomoa bae i stap fo mifala karimaot. An mi talem stret long yu, sapos mi no duim samting ya, letem olketa god kilim mi dae.”

1 Kronikols 22:11

An Deved hemi tok moa olsem, “San, Yawe bae hemi stap wetem yu, an bae hemi helpem yu, mekem yu save wakem Tambuhaos blong hem, olsem wea hemi bin promis.

1 Kronikols 22:16

long gol an silva, an long bras an aean. So yu mas statem waka ya distaem. Letem Yawe hemi stap wetem yu.”

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Filipae 4:9

Yufala mas gohed long olketa wei wea mi bin tisim yufala an yufala tekem finis, olsem olketa samting yu herem from mi an lukim mi duim. An God hu hemi save givim piis long yumi, bae hemi stap wetem yufala.

Josua 1:5

Mi talem long yu, long ful laef blong yu, bae no eniwan save winim yu long faet. Bae mi gohed fo lukaftarem yu, olsem wea mi bin lukaftarem Mosis bifoa. An oltaem bae mi stap wetem yu, an bae mi no save lusim yu o letem yu stap nating.

Stori abaotem Rut 1:17

Ples wea bae yu dae long hem, bae mi dae long hem tu, an bae olketa berem mi tu long ples ya. Tru samting nao mi talem long yu, no enisamting bae hemi save divaedem yumitufala, dae nomoa save divaedem yumitufala. Sapos mi brekem promis blong mi ya, letem Yawe hemi givim panis long mi.”

1 Samuel 10:7

Taem olketa samting ya i kasem yu, bae yu save duim enisamting yu tingting fo duim bikos Yawe hemi stap wetem yu.

1 Samuel 14:47

Bihaen long taem Sol hemi kamap king blong Israel, oltaem hemi faetem olketa enemi blong hem long olketa ples raonem lan blong Israel. Hem nao olketa blong Moab, an olketa blong Amon, an olketa blong Idom, an olketa king blong Soba, an olketa blong Filistia. An evritaem hemi go faet long olketa, hemi barava spoelem olketa.

1 Samuel 17:37

Yawe hemi bin gadem mi, mekem olketa laeon an bea i no spoelem mi. Hemi gadem mi plande taem finis, an bae hemi save gadem mi tu from disfala soldia blong Filistia.” Den Sol hemi tok olsem long Deved, “Yu go. Letem Yawe hemi stap wetem yu.”

1 Samuel 18:12

Yawe hemi stap wetem Deved, bat hemi lusim Sol finis, dastawe Sol hemi fraet tumas long Deved.

1 Samuel 19:3

Bae mi wetem dadi blong mi mitufala kam long ples ya, kolsap long wea yu haed long hem. Long dea bae mitufala tokabaotem yu, an olketa samting wea hemi talem, bae mi jes talemaot long yu bihaen.”

1 Samuel 20:12

hemi sei moa olsem, “Long nem blong Yawe hu hemi God blong Israel, mi promis long yu, distaem long neks tumoro, bae mi faendemaot tingting blong dadi blong mi. Sapos tingting blong hem hemi gud nomoa long yu, bae mi sendem kam toktok long yu.

1 Samuel 20:14

Plis yu gohed fo tinghevi long mi olowe olsem Yawe hemi tinghevi long yumi, mekem mi no dae.

1 Samuel 25:22

!Hem nao tok blong mi! !Tude bae mi kilim dae evri man an evri boe blong Nabal! !Sapos i kasem tumoro moning an eniwan long olketa hemi stap yet, letem Yawe hemi kilim mi dae!”

1 Samuel 3:17

Ilae hemi askem hem olsem, “?Yawe hemi talem wanem long yu? Yu no haedem enisamting long mi. Letem Yawe hemi panisim yu nogud, sapos yu no talemaot evrisamting ya long mi.”