1 Samuel 2:9 - Pijin Bible

⁹ Hemi lukaftarem gudfala olketa hu i tinghevi long hem, bat olketa man nogud ya, i gohed fo lus long tudak. “No eniwan save winim Yawe long paoa blong hem seleva.

Pijin Deuterocanon

⁹ Hemi lukaftarem gudfala olketa hu i tinghevi long hem, bat olketa man nogud ya, i gohed fo lus long tudak. “No eniwan save winim Yawe long paoa blong hem seleva.

1 Samuel 2:9 Iomraidhean Croise

Stori abaotem Job 18:18

God bae hemi aotem hem from disfala wol wea hemi laet, an mekem hem go long ples wea hemi tudak.

Stori abaotem Job 40:13

Yu mas berem olketa evriwan ya insaet long graon. An yu mas satem ae blong olketa olowe nao insaet long grev.

Stori abaotem Job 5:16

So, God hemi mekem tingting blong pua pipol fo kamap strong moa, an hemi satem maos blong olketa ravis pipol.

Stori abaotem Job 5:24

Bae yu save stap long piis long ples blong yu. Taem yu sekap long olketa sipsip blong yu, bae yu save lukim dat olketa stap gud nomoa.

Sams 1:6

Olketa nogud pipol ya i go-go fo dae blong olketa nao ya, bat God hemi gohed fo lukaftarem gogo blong olketa gudfala pipol.

Sams 105:37

Nao hemi lidim olketa Israel pipol fo goaot from kantri ya, an olketa karim go olketa silva an gol. Olketa evriwan i stap gudfala nomoa an no eniwan hemi sik.

Sams 121:3

Ya, hemi no save slip an oltaem hemi lukaftarem yumi gudfala.

Sams 121:5

Yawe bae hemi stap long saet blong yumi, an bae hemi gadem yumi.

Sams 121:8

Stat distaem an gohed olowe nao, Yawe bae hemi gadem yumi evriwea yumi go long hem, an evriwea yumi stap long hem. (Singsing blong Deved. Olketa singim disfala singsing taem olketa goap fo fist long Jerusalem.)

Sams 145:20

Bae hemi spoelem finis olketa nogud pipol, bat hemi lukaftarem evriwan hu i lavem hem.

Sams 31:17

Lod Yawe, mi kol kam long yu. Plis yu no letem olketa enemi blong mi fo mekem mi sem. Olketa nogud pipol ya, an hemi gud fo yu mekem olketa sem. Hemi gud fo olketa dae, an godaon kuaet insaet long grev.

Sams 37:28

Hemi olsem, bikos Yawe hemi laekem olketa wei wea i stret, an hemi no save lusim olketa hu i tinghevi long hem. Oltaem bae hemi gohed fo gadem olketa, bat bae hemi ronemaot olketa wea i bon kam long laen blong olketa nogud pipol.

Sams 94:18

Lod Yawe, taem mi singaot go olsem, “Mi kolsap dae nao.” Bat bikos lav blong yu hemi bikfala tumas, dastawe nao mi no dae yet.

Sams 97:10

Yawe hemi lavem tumas olketa hu i heitem olketa ravis wei, an hemi gadem laef blong olketa hu i tinghevi long hem. Ya, hemi sevem olketa from paoa blong olketa nogud pipol.

Provebs 16:9

Haat blong man save planem wei blong hem, bat Yawe nao hem mekem rod.

Provebs 2:8

Hemi lukaftarem olketa hu i falom stretfala wei, an hemi gadem olketa hu i tinghevi long hem.

Provebs 3:26

Yawe hemi barava lukaftarem yu, an bae hemi no letem yu foldaon long trap.

Eklesiastes 5:17

Oltaem long laef blong man, hemi sore olowe, hemi lukim dat pipol i nating hapi, an olketa sik tumas, an olketa kros fogud.

Eklesiastes 9:11

Narafala samting moa mi lukim long disfala wol hemi olsem, I no olketa hu i save ran kuiktaem nomoa i save winim resis, i no olketa strong man nomoa i save winim faet. I no olketa waes man nomoa i save garem gudfala laef, i no olketa man hu i smat nomoa i save kamap ris, i no olketa man hu i save tumas nomoa wea i garem hae nem. Hem nao bikos, enikaen samting hemi save kasem evriwan ya long enikaen taem.

Aesaea 27:3

Evritaem mi nao mi lukaftarem an watarem plantesin blong grep tri ya. An mi nao mi gadem disfala plantesin long de an long naet, mekem pipol no save kam fo spoelem.

Aesaea 47:5

Yawe hemi tok moa olsem, “!O Babilon! Yu nao kapitol blong bikfala kingdom blong Babilonia. Yu bin olsem kuin, bat distaem yu mas sidaon kuaet nao long tudak. No eniwan nao bae hemi mekhae moa long yu olsem wanfala strongfala kuin hu hemi rul ovarem olketa kingdom.

Jeremaea 8:14

Nao olketa pipol blong God gohed fo tok olsem, “?Waswe nao yumi gohed fo sidaon no olsem? Kam, yumi ranawe an go haed long olketa taon wea i garem wolston raonem, mekem yumi dae long olketa ples ya. Yawe God blong yumi hemi jajem yumi finis wea yumi mas dae. Hemi olsem hemi givim poesen long yumi fo yumi dringim, bikos yumi sin agensim hem.

Jeremaea 9:23

Yawe nao hemi tok moa olsem, “Olketa waesman mas no tokpraod abaotem waes blong olketa. Olketa strongfala man mas no tokpraod abaotem strong blong olketa. An olketa risman mas no tokpraod abaotem risis blong olketa.

Neiham 1:8

Bat bae hemi spoelem Nineve wetem olketa pipol long hem, olsem wea wanfala bikfala flad hemi kavaremap evri ples. Ya, bae hemi kilim dae olketa hu i gohed fo agensim hem.

Sefenaea 1:15

De ya bae hemi de blong kros blong God, an hemi de fo pipol fo garem hadtaem an barava filnogud. De ya bae hemi de blong trabol an evrisamting i bagarap. De ya bae hemi taem blong bikfala tudak an klaod wea hemi blak fogud.

Sekaraea 4:6

Oraet, enjel ya hemi tok olsem long mi, ?Hem ya nao Mesij blong Yawe long Serababel: I no long strong blong yufala. An i no long paoa blong yufala. Bat i long spirit blong mi nomoa. ?Hem nao toktok blong Yawe hu hemi garem evri paoa.

Nambas 6:24

‘!Letem Yawe hemi blesim yufala an gadem yufala!

Matiu 8:12

Bat olketa pipol hu God hemi siusim olketa fastaem fo stap insaet long kingdom long Heven, bae hemi raosim olketa fo go aotsaet moa, go kasem ples wea hemi dak tumas. An long ples ya nao, bae olketa go-gohed fo krae nomoa an sore bikfala.”

Leta wea Pol hemi raetem go long sios long Rom 3:19

Yumi save finis nao, wanem Lo hemi talem hemi talem long evri pipol hu i stap andanit long Lo ya. Dastawe nao no eniwan save sei hemi no rong, bat God bae hemi jajem evriwan long disfala wol.

Diutronomi 33:3

Hemi tru nao, Yawe hemi lavem pipol blong hem. Hemi barava lukaftarem yufala hu i tambu pipol blong hem. So yufala kam, yufala baodaon long hem, an hemi tisim yufala.

1 Pita 1:5

Yufala biliv finis long God hu hemi lukaftarem yufala gud long paoa blong hem, go-go hemi sevem yufala. An God hemi redi finis fo mekem diswan kamtru long Lasde.

2 Pita 2:17

Olketa laea tisa ya i olsem springwata wea i drae finis. An olketa i olsem olketa klaod wea bikfala win hemi bloum olobaot. God hemi redim finis wanfala ples fo olketa wea hemi dak fogud.

Jiud 1:1

Mi Jiud, wea mi wakaman blong Jisas Kraes an mi brata blong Jemes. Mi raet go long yufala evri pipol wea God hemi siusim yufala. God Dadi blong yumi hemi lavem yufala tumas, an Jisas Kraes tu hemi lukaftarem yufala gudfala.

Jiud 1:13

Olketa pipol olsem ya, olowe nomoa yumi save lukim olketa ravis wei blong olketa. Olketa olsem olketa wev long si wea olketa save tekem kam plande ravis samting nomoa olobaot long soa. An olketa olsem olketa sta wea olketa lusim barava ples blong olketa. God hemi makem finis wanfala ples wea hemi tudak tumas, fo olketa stap long hem olowe.

Jiud 1:3

Olketa gudfala Kristin fren, fastaem mi laekem tumas fo raetem wanfala leta go long yufala fo tokabaotem wei wea God hemi sevem yumi evriwan long hem. Bat distaem, mi barava tingim mi mas raetem leta ya fo talem strong long yufala, wea yufala mas faet strong fo holem disfala tru biliv wea God hemi bin givim kam long olketa pipol blong hem, an biliv ya hemi no save sens enitaem.

1 Samuel 25:26

Masta, Yawe nomoa hemi stopem yu fo yu no ki-kil an duim rong samting fo sensimbaek ravis wei blong hasban blong mi. Olsem Yawe hemi laef, an yu nao yu laef, mi tok tru. Long sem wei wea God bae panisim Nabal, letem God hemi panisim olketa enemi blong yu, an olketa hu i laek fo spoelem yu.