1 Samuel 2:6 - Pijin Bible

⁶ “Yawe hemi save mekem man fo dae, an hemi save mekem man fo laef moa. Hemi save sendem man fo go long ples blong man dae, an hemi save tekem kambaek man from ples ya.

Pijin Deuterocanon

⁶ “Yawe hemi save mekem man fo dae, an hemi save mekem man fo laef moa. Hemi save sendem man fo go long ples blong man dae, an hemi save tekem kambaek man from ples ya.

1 Samuel 2:6 Iomraidhean Croise

1 Kings 17:22

Nao Yawe hemi herem prea blong hem, an boe ya hemi stat fo tekwin go-go hemi laef moa.

2 Kings 5:7

Taem king blong Israel hemi ridim leta ya, hemi filnogud tumas, an hemi brekem kaleko blong hem. Hemi tok olsem, “!Wanfala trabol nao ya! King blong Siria hemi tingse mi save finisim sik blong man ya, bat mi no God. Mi no garem paoa fo mekem man hemi laef, o fo letem man hemi dae. Hemi klia nomoa wea olketa laek fo raoa long mi.”

Stori abaotem Job 5:18

Hemi save mekem man fo garem soa, bat hemi save putum meresin long hem tu. Hemi save mekem man fo garekil, bat hemi save mekem hem gud baek moa.

Sams 116:3

Mi kolsap dae nao taem bikfala trabol hemi bin kasem mi. Dastawe nao mi barava fraet tumas an mi wari fogud.

Sams 30:4

!Preisim Yawe, yufala hu i tinghevi long hem! Yufala mas preisim holi nem blong hem.

Sams 68:20

God blong yumi, hem nao hemi save sevem olketa pipol. Yawe hu hemi Masta blong yumi, hemi sevem yumi from dae.

Sams 71:20

Yu bin sendem kam trabol long mi an yu bin mekem mi safa, bat mi save dat bae yu mekem mi fo strongbaek moa, an yu no save letem mi dae.

Eklesiastes 3:3

Taem hemi stap fo man kilim man dae, an taem hemi stap fo hilim man hu i garekil. Taem hemi stap fo man brekemdaon samting, an taem hemi stap fo wakembaek samting.

Aesaea 26:19

!Olketa pipol blong mi! Olketa blong yumi hu i dae finis, bae i laefbaek moa from dae. Yufala hu i leidaon insaet long grev, bae yufala wekap an hapi. Olsem wata blong naet wea hemi foldaon kam fo mekem graon hemi sof an kamap niu moa, long sem wei ya tu, bae Yawe hemi mekem olketa ya fo laefbaek moa.

Esikiel 37:12

From disfala samting nao, yu mas talemaot disfala profesi long olketa wea mi Lod Yawe nao mi tok olsem: Olketa pipol blong mi. Bae mi tekem yufala aot from olketa grev blong yufala, an tekem yufala gobaek moa long lan blong Israel.

Esikiel 37:3

An hemi askem mi olsem, “Man blong graon. ?Waswe, olketa bon ya save kamap laef moa o nomoa?” Mi tok olsem, “Lod Yawe, yu seleva nomoa yu save.”

Matiu 12:40

Long trifala de an trifala naet Jona hemi stap insaet long bele blong wanfala bikfala fis. An long sem wei tu, long trifala de an trifala naet, bae mi San Blong Man, mi stap insaet long graon.

Gudnius abaotem Jisas Kraes wea Jon hemi raetem 11:25

Jisas hemi talem hem olsem, “Mi nao mi givim laef long pipol an fo mekem olketa laefbaek moa. Eniwan hu hemi biliv long mi, nomata hemi dae, bae hemi save laef olowe nomoa.

Diutronomi 32:39

Yufala mas save. !Mi nomoa mi God! !No eni narafala god hemi stap! Mi save mekem man hemi dae, an mi save mekem man hemi laef. Mi save mekem man hemi garekil, an mi save mekem hem gudbaek moa. No eniwan save stopem olketa samting wea mi duim.

Revelesin 1:18

!Mi man wea mi barava laef! Long bifoa, mi dae finis bat mi laefbaek moa an mi no save dae enitaem. Mi nao mi garem paoa ovarem Dae an mi garem paoa ovarem ples blong olketa pipol hu i dae finis.

1 Samuel 20:3

Deved hemi tok olsem, “Dadi blong yu hemi savegud dat yu laekem mi tumas. Yu save, enisamting moa hemi tingabaotem fo duim long mi, bae hemi no save talem yu, bikos hemi save olsem sapos yu save long tingting blong hem, bae yu filnogud tumas. Olsem Yawe hemi laef, an yu tu yu laef, mi toktru, mi kolsap dae nao.”