1 Samuel 2:36 - Pijin Bible

³⁶ An sapos eniwan long laen blong yu bae stap long datfala taem, bae hemi go long prist blong mi fo askem seleni an kaikai. Ya, bae hemi ask olsem, ‘Plis, yu letem mi duim lelebet waka blong prist, mekem mi garem kaikai.’”

Pijin Deuterocanon

³⁶ An sapos eniwan long laen blong yu bae stap long datfala taem, bae hemi go long prist blong mi fo askem seleni an kaikai. Ya, bae hemi ask olsem, ‘Plis, yu letem mi duim lelebet waka blong prist, mekem mi garem kaikai.’”

1 Samuel 2:36 Iomraidhean Croise

1 Kings 2:27

So king hemi finisim hem from waka blong prist. Long wei ya nao, Mesij wea Yawe hemi bin talemaot abaotem laen blong Prist Ilae bifoa long Saelo, hemi kam tru.

2 Kings 23:9

King hemi letem olketa prist ya fo kaikaim bred wea i no garem yist, olsem olketa narafala prist blong Yawe i save kaikaim, bat hemi stopem olketa fo no duim waka blong prist long Tambuhaos blong Yawe.

Provebs 14:19

Man nogud bae baodaon long ae blong stretfala man, an ravis man bae askem stretfala man fo helpem hem.

Malakae 1:13

Yufala gohed fo tok olsem, ?!Mifala taet finis fo mekem olketa sakrifaes ya!? Hemi olsem wea yufala spit long fes blong mi nao. Oltaem yufala tekem olketa animol wea yufala stilim, o garem dae lek, o hemi sik, an bonem fo sakrifaesim kam long mi. ?Waswe, yufala tingse mi save hapi nomoa long olketa samting olsem?

Jajis 17:10

So Maeka hemi tok olsem long hem, “Yu kam stap nomoa wetem mi. Bae yu kamap prist blong mi, an yu nao bae talem mifala wanem God hemi laekem mifala fo duim. Bae mi givim tenfala silva seleni long yu fo wanfala yia, an bae mi givim kaleko an kaikai long yu tu.”

1 Samuel 2:35

Bae mi siusimaot narafala prist moa wea hemi tinghevi long mi, an hemi save duim olketa samting wea mi laekem. Bae mi mekem hem fo garem plande pikinini. An olketa man long laen blong hem nao bae kamap prist olowe an helpem man wea bae mi siusimaot fo kamap king.

1 Samuel 3:1

Disfala boe Samuel hemi helpem Ilae fo duim waka blong Yawe. Long datfala taem, i no plande man nomoa wea Yawe hemi givim toktok blong hem long olketa, an hemi no somaot tumas spesol drim long olketa.