1 Samuel 2:26 - Pijin Bible

²⁶ Bat disfala boe Samuel hemi gohed fo kamap bikfala, an oltaem Yawe hemi hapi moa wetem hem, an olketa pipol tu i hapi moa wetem hem.

Pijin Deuterocanon

²⁶ Bat disfala boe Samuel hemi gohed fo kamap bikfala, an oltaem Yawe hemi hapi moa wetem hem, an olketa pipol tu i hapi moa wetem hem.

1 Samuel 2:26 Iomraidhean Croise

Jenesis 39:4

So hemi hapi tumas long hem, an hemi mekem hem stap wetem hem oltaem fo helpem hem. An hemi siusim Josef fo hemi bos long olketa samting long haos blong hem, wetem evrisamting wea hemi onam.

Provebs 3:3

No lusim wei fo lavem pipol, an kaen long olketa olowe. Somaot long laef blong yu olsem wanfala nekles, kipim insaet long haat blong yu.

Provebs 3:4

Sapos yu duim olsem, bae God hemi hapi long yu, an pipol tu bae hapi long yu.

Gudnius abaotem Jisas Kraes wea Luk hemi raetem 1:80

Nao pikinini ya hemi grouap kam an tingting blong hem hemi kamap strong moa. An hemi stap long drae eria go-go kasem taem wea hemi statem waka blong hem long midol long olketa pipol blong Israel.

Gudnius abaotem Jisas Kraes wea Luk hemi raetem 2:40

An pikinini ya hemi grouap kam, an tingting blong hem hemi kamap strong an hemi kamap barava waes fogud tu. An oltaem nomoa God hemi barava blesim hem.

Gudnius abaotem Jisas Kraes wea Luk hemi raetem 2:52

An Jisas hemi gohed fo grouap moa, an hemi gohed fo kamap waes fogud tu. An God hemi barava hapi tumas wetem hem, an olketa pipol i hapi tumas long hem tu.

Aposol 2:47

An oltaem olketa gohed fo preisim God, an olketa pipol olketa gohed moa fo tinghae long olketa. An long evri de nomoa, Masta hemi sevem samfala pipol moa wea hemi joenem olketa kam long seksin blong olketa.

Leta wea Pol hemi raetem go long sios long Rom 14:18

Eniwan hu hemi waka fo Kraes long wei olsem, bae God hemi hapi long hem an olketa pipol tu bae hapi long hem.

Jajis 13:24

Bihaen, woman ya hemi bonem wanfala san, an kolem hem Samson. Pikinini ya hemi grouap an Yawe hemi blesim hem.

1 Samuel 2:21

Nao Yawe hemi blesim Hana, go-go hemi bonem trifala boe moa an tufala gele. Bat boe ya Samuel hemi grouap long tambuhaos blong Yawe.

1 Samuel 3:19

Taem Samuel hemi gohed fo kamap bikfala, oltaem Yawe hemi stap wetem hem. An hemi gohed fo mekem evrisamting wea Samuel hemi talemaot fo kamap tru.