1 Samuel 19:9 - Pijin Bible

⁹ Narafala taem moa, ravis devoldevol wea Yawe hemi bin sendem kam long Sol, hemi kam bikfala moa long hem. Hemi sidaon insaet long haos blong hem, hemi holem spia blong hem. Deved tu hemi stap, an hemi gohed fo pleim gita blong hem.

Pijin Deuterocanon

⁹ Narafala taem moa, ravis devoldevol wea Yawe hemi bin sendem kam long Sol, hemi kam bikfala moa long hem. Hemi sidaon insaet long haos blong hem, hemi holem spia blong hem. Deved tu hemi stap, an hemi gohed fo pleim gita blong hem.

1 Samuel 19:9 Iomraidhean Croise

1 Kings 22:22

Nao Yawe hemi askem hem olsem, ‘?Hao nao bae yu duim?’ An devoldevol ya hemi sei, ‘Bae mi go, an mekem olketa profet blong hem fo laea long hem.’ An Yawe hemi tok olsem, ‘Oraet, yu save mekem hem fo go faet. Go distaem.’”

1 Samuel 16:14

Oraet, Spirit blong Yawe hemi lusim King Sol, an Yawe hemi sendem wanfala ravis devoldevol fo mekem king hemi filnogud.

1 Samuel 16:15

Nao olketa wakaman blong king i tok olsem long hem, “Yu save, God hemi sendem wanfala ravis devoldevol fo mekem yu filnogud.

1 Samuel 16:16

Masta, sapos yu laekem, bae mifala save go lukaotem wanfala man wea hemi save gud hao fo ringim gita. An sapos devoldevol ya hemi kambaek long yu, man ya hemi save pleim gita blong hem, an bae yu hapi moa.”

1 Samuel 19:8

Ami blong Filistia i kam faet moa, an Deved wetem olketa soldia blong hem i go faetem olketa. An hemi faet strong agensim olketa, so olketa ra-ranawei.

1 Samuel 22:6

Wanfala de, King Sol hemi stap antap long hil long Gibea, hemi sidaon andanit long wanfala tri wea olketa kolem tamaris. Hemi holem spia blong hem, an evri bikman blong hem i stanap raonem hem. Long datfala taem hemi herem dat olketa lukim finis Deved wetem olketa man blong hem.