1 Samuel 18:27 - Pijin Bible

²⁷ Deved wetem olketa man blong hem i go kilim 200 man blong Filistia. An hemi katemaot olketa skin blong samting blong man, an karim kam, an kaontem olketa evriwan long ae blong king fo peim dota blong hem. So Sol hemi givim dota blong hem Mikal long Deved fo tufala marit.

Pijin Deuterocanon

²⁷ Deved wetem olketa man blong hem i go kilim 200 man blong Filistia. An hemi katemaot olketa skin blong samting blong man, an karim kam, an kaontem olketa evriwan long ae blong king fo peim dota blong hem. So Sol hemi givim dota blong hem Mikal long Deved fo tufala marit.

1 Samuel 18:27 Iomraidhean Croise

2 Samuel 3:13

So Deved hemi tok olsem long olketa, “Hemi gud tumas. Yufala go talem long hem olsem mi hapi fo mekem agrimen wetem hem. Bat hemi mas mekem wanfala samting nomoa. Sapos hemi kam fo lukim mi, bae hemi mas tekem kambaek dota blong King Sol ya Mikal long mi.”

2 Samuel 3:14

Den Deved hemi sendem samfala man blong hem fo go tok olsem long Isboset, san blong King Sol, “Yu mas sendem kambaek waef blong mi ya Mikal. Mi peim hem long braedpraes long 100 skin blong samting blong olketa man blong Filistia, an mi maritim hem finis.”

Jajis 14:19

Spirit blong Yawe hemi kam long hem, an hemi mekem hemi barava strong moa, nao hemi godaon long taon long Askelon. An long ples ya, hemi kilim dae tetifala man an tekemaot olketa spesol kaleko blong olketa. Bihaen, hemi gobaek long Timna an hemi givim olketa kaleko ya long olketa man hu i talemaot ansa blong tokhaed ya. Hemi barava kros fogud from disfala samting, so hemi gobaek long ples blong dadi blong hem.

1 Samuel 14:49

Olketa pikinini blong Sol nao i Jonatan, an Isvi, an Malkisua. An tufala dota blong hem nao, Merab wea hem fasbon, an narawan hem Mikal.

1 Samuel 18:13

So hemi mekem hem komanda blong 1,000 man, an oltaem hemi sendem hem fo go faet, mekem hemi no save lukim hem. An Deved hemi lidim olketa soldia blong hem long olketa faet.

1 Samuel 18:17

King Sol hemi tok olsem long Deved, “Fasbon dota blong mi, Merab, bae mi givim long yu fo yu maritim. Bat praes blong hem, yu mas kamap nambawan soldia blong mi wea yu no save fraet an tingting blong yu hemi mas stap strong long mi. An oltaem yu mas go faet olsem wea Yawe hemi talem.” Sol hemi laekem Deved fo dae, bat hemi no wande kilim hem seleva, so hemi tingse ami blong Filistia nao save kilim hem dae long faet.

1 Samuel 18:28

Sol hemi luksave dat Yawe hemi stap wetem Deved, an dota blong hem hemi lavem Deved tumas.

1 Samuel 25:44

Fas waef blong hem hemi Mikal wea hemi dota blong King Sol, bat king hemi givim woman ya finis long Paltiel, san blong Laes, wea hemi man long taon long Galim.