1 Samuel 18:23 - Pijin Bible

²³ Den olketa go talem toktok ya long hem, bat hemi tok olsem, “!Ei! ?Yufala tingse hemi wanfala smol samting fo man hemi tekem dota blong king? !Mi puaman nomoa, an mi no garem biknem! !Samting ya hemi bik tumas fo mi!”

Pijin Deuterocanon

²³ Den olketa go talem toktok ya long hem, bat hemi tok olsem, “!Ei! ?Yufala tingse hemi wanfala smol samting fo man hemi tekem dota blong king? !Mi puaman nomoa, an mi no garem biknem! !Samting ya hemi bik tumas fo mi!”

1 Samuel 18:23 Iomraidhean Croise

Jenesis 29:20

So Jekob hemi gohed fo waka fo angkol blong hem ya fo sevenfala yia, mekem hemi save maritim Resel. Bat sevenfala yia ya hemi olsem tu-tri de nomoa long hem, bikos hemi lavem gele ya tumas.

Jenesis 34:12

Hemi gud sapos yufala talemaot haomas samting nao yufala laekem fo mi givim long yufala. An yufala save apem praes blong gele ya fo hemi kasem eni namba nomoa wea yufala laekem. Sapos yufala letem fo hemi maritim mi, eni praes nomoa wea yufala putum, bae mi peim.”

Sams 119:141

Nomata mi man nating an olketa pipol i lukdaonem mi, mi no save fogetem olketa gudfala toktok blong yu.

Provebs 14:20

Puaman no garem wantok. Risman garem staka.

Provebs 29:5

Man os-os long eniwan, hem mekem net fo kasem hem seleva.

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.

1 Samuel 18:18

Bat Deved hemi tok olsem long Sol, “Mi no fit fo tekem dota blong yu, bikos laen blong mi i samting nating nomoa long Israel an mi no bikman tu.”

1 Samuel 18:22

An hemi talem long olketa bikman blong hem fo talem kuaet nomoa long Deved seleva olsem, “King hemi hapi tumas long yu, an evri bikman blong hem tu i laekem yu. Distaem hemi gud fo yu tekem dota blong hem an yu maritim.”

1 Samuel 18:24

Olketa bikman i kambaek talem toktok blong hem long king.

1 Samuel 9:21

Nao Sol hemi tok olsem, “?Waswe nao yu talem toktok ya long mi? Mi blong traeb blong Benjamin, an traeb blong mifala hemi smol fogud long olketa traeb. An laen blong mi, hemi barava smol fogud long traeb blong Benjamin.”