1 Samuel 17:53 - Pijin Bible

⁵³ Taem olketa ronem olketa finis, olketa taneraon fo kambaek long olketa haostent blong ami blong Filistia an tekem evrisamting blong olketa.

Pijin Deuterocanon

⁵³ Taem olketa ronem olketa finis, olketa taneraon fo kambaek long olketa haostent blong ami blong Filistia an tekem evrisamting blong olketa.

1 Samuel 17:53 Iomraidhean Croise

2 Samuel 23:10

bat Eleasa nomoa hemi gohed fo faet strong. Hemi gohed fo kilim dae olketa soldia blong Filistia go-go han blong hem hemi barava taet bat hemi no save lego long naef blong hem fo faet. Long datfala de, Yawe hemi mekem hem fo barava winim olketa. An taem faet hemi finis, olketa soldia blong Israel i kambaek fo tekem olketa gudfala samting blong olketa soldia blong Filistia wea i dae.

Jeremaea 30:16

Bat sapos olketa enemi i kam fo spoelem yufala, bae mi spoelem olketa. An sapos olketa enemi i kam fo stilim olketa samting blong yufala bae mi stilim laef blong olketa. Ya, bae mi fosim olketa fo lusim lan blong olketa an go stap long ples wea i no blong olketa.

Jeremaea 4:20

Taem wanfala bikfala trabol hemi jes kasem olketa long lan ya, narafala bikfala trabol moa hemi kam bihaen fo kasem olketa. Olketa enemi i barava spoelem finis olketa samting long lan ya. Olketa brekem olketa haostent blong mifala wetem kaleko blong olketa haostent long olketa smolfala pisis.

1 Samuel 17:52

Long datfala taem, olketa soldia blong Jiuda wetem olketa soldia blong Israel i singaot bikfala, an olketa ronem olketa go-go kasem taon long Gat an long geit blong bikfala wolston blong taon long Ekron. Olketa kilim dae plande soldia blong Filistia olobaot long rod from Saaraem fo go long Gat an Ekron.

1 Samuel 17:54

Bihaen, Deved hemi karim go hed blong Golaeat long Jerusalem, bat olketa samting fo faet blong man ya, Deved hemi putum long haostent blong hem seleva.

1 Samuel 19:5

Long taem wea hemi kilim Golaeat, hemi redi fo lusim laef blong hem. An long taem ya, Yawe hemi mekem Israel fo win bikfala. Taem yu lukim samting ya, yu tu yu hapi long hem. Hemi nating mekem enisamting wea hemi rong. ?Waswe nao yu laek fo kilim hem dae? Yu nating garem eni gudfala rison fo kilim hem dae.”