1 Samuel 17:35 - Pijin Bible

³⁵ oltaem mi ran go bihaen an mi kilim hem fo sevem smolfala sipsip ya. An sapos laeon o bea hemi jam kam long mi, mi kasholem hem long nek an kilim hem dae.

Pijin Deuterocanon

³⁵ oltaem mi ran go bihaen an mi kilim hem fo sevem smolfala sipsip ya. An sapos laeon o bea hemi jam kam long mi, mi kasholem hem long nek an kilim hem dae.

1 Samuel 17:35 Iomraidhean Croise

2 Samuel 23:20

Benaea, san blong Jehoeada hu hemi man blong Kabseel, hem tu hemi wanfala nambawan soldia wea hemi garem biknem. Hemi bin duim plande bikfala samting, an wanfala long olketa samting ya nao, hemi kilim dae tufala bes soldia blong Moab. An long narafala taem, taem snou hemi kavaremap olketa ples, hemi godaon long wanfala hol, an hemi kilim dae wanfala laeon.

Sams 91:13

Bae yu save step nomoa long olketa wael animol an olketa poesen snek. Ya, nomata olsem no eni nogud samting save spoelem yu.

Daniel 6:22

!Mi oraet nomoa! !God blong mi hemi sendem kam enjel blong hem fo satem maos blong olketa laeon ya, an olketa nating kaikaim mi, bikos mi stret nomoa long ae blong hem an long ae blong yu tu!”

Emos 3:12

Taem wea laeon hemi kaikaim sipsip, man wea hemi lukaftarem sipsip save faendem tufala bon long lek o smolfala pis long ia nomoa hemi stap. Long sem wei tu, taem olketa enemi i spoelem finis olketa haos blong yufala, bae lelebet pat long lek blong bed o smolfala pis long sea nomoa hemi stap.?

1 Samuel 17:34

Hemi ansa olsem, “King, mi bin lukaftarem olketa sipsip blong dadi blong mi. An taem laeon o bea hemi kam fo tekem wanfala smolfala sipsip,

1 Samuel 17:36

Mi kilim olketa laeon an bea finis, an yu save, mi save duim semsamting long disfala hiden man, bikos hemi tokspoelem ami blong God hu hemi laef.