1 Samuel 17:24 - Pijin Bible

²⁴ Taem olketa soldia blong Israel i lukim man ya, olketa barava fraet fogud, so olketa ranawe.

Pijin Deuterocanon

²⁴ Taem olketa soldia blong Israel i lukim man ya, olketa barava fraet fogud, so olketa ranawe.

1 Samuel 17:24 Iomraidhean Croise

Aesaea 30:17

An sapos yufala lukim wanfala soldia blong olketa enemi blong yufala ya, bae 1,000 long yufala i ranawe bikos yufala fraetem hem. Ya, sapos yufala lukim faefala man blong olketa, bae yufala evriwan nao i ranawe. An bae samfala long yufala nomoa i laef wea olketa olsem wanfala pos fo putumap flag wea hemi stanap seleva antap long hil.”

Aesaea 7:2

Taem King Ehas wetem olketa pipol blong hem i herem dat olketa soldia blong tufala king ya i joen tugeta fo faetem Jiuda, olketa fraet tumas an olketa seksek olsem tri wea bikfala win hemi bloum olobaot.

Levitikas 26:36

“Bae mi mekem yufala hu i stap yet long olketa narafala kantri fo barava fraet fogud. Nomata noes blong wanfala lif wea win hemi bloum, bae hemi mekem yufala ranawe. An bae yufala ranawe olsem wea olketa enemi i ronem yufala, an bae yufala save foldaon nomata no eniwan hemi ronem yufala. An bae yufala gohed fo ran an bangam yufala seleva nomoa, an bae hemi mekem yufala fo foldaon olobaot, an bae yufala no garem paoa fo faetem enemi blong yufala.

Diutronomi 32:30

Tingabaotem kuestin blong mi. ?Hao nao wanfala enemi soldia nomoa, hemi save winim 1,000 man blong yufala? ?Hao nao tufala enemi soldia nomoa, save ronem 10,000 man blong yufala? Yufala mas luksave long hem. Samting olsem hemi kamap bikos Yawe, disfala sefples blong yufala, hemi lusim yufala.

1 Samuel 17:11

Taem King Sol wetem olketa soldia blong hem i herem toktok ya, olketa barava fraet fogud

1 Samuel 17:23

Taem hemi toktok yet wetem trifala ya, Golaeat, disfala strongman fo faet blong ami blong Filistia, hemi kamaot moa. Hemi kol kam nogud long olketa olsem wea hemi duim olowe. Nao Deved hemi herem olketa toktok wea strongman fo faet ya hemi talem.

1 Samuel 17:25

An olketa soldia toktok tugeta olsem, “!Yufala lukim man ya! !Hem save kamap olowe fo tokspoelem yumi long Israel! Yu save, king hemi promis finis fo givim bikfala presen long eniwan wea hemi kilim disfala soldia blong Filistia. An bae hemi givim dota blong hem tu fo hem. An bae hem wetem dadi blong hem an olketa brata blong hem i no save peim taks moa.”