1 Samuel 17:20 - Pijin Bible

²⁰ So long neks de, long eli moning, Deved hemi sendem wanfala long olketa man blong hem fo go lukaftarem olketa sipsip. Den hemi tekem olketa kaikai ya an hemi go olsem wea dadi blong hem hemi bin talem hem. Hemi kasem ples blong ami long semtaem wea olketa soldia i stanbae fo faet, an long taem wea olketa singaot bikfala fo faet.

Pijin Deuterocanon

²⁰ So long neks de, long eli moning, Deved hemi sendem wanfala long olketa man blong hem fo go lukaftarem olketa sipsip. Den hemi tekem olketa kaikai ya an hemi go olsem wea dadi blong hem hemi bin talem hem. Hemi kasem ples blong ami long semtaem wea olketa soldia i stanbae fo faet, an long taem wea olketa singaot bikfala fo faet.

1 Samuel 17:20 Iomraidhean Croise

Gudnius abaotem Jisas Kraes wea Luk hemi raetem 19:43

Bae wanfala taem hemi kam wea bae olketa enemi blong yu olketa kam fo faet. An bae olketa stap raonem yu an olketa satem yu long evri saet, mekem no eniwan save ranawe.

Josua 3:1

Eli moning long neks de, Josua wetem evri pipol blong Israel i getap an lusim ples ya blong olketa Akesia tri an go fo stap kolsap long Jodan Riva. Olketa weit long ples ya fo katkros go long narasaet.

1 Samuel 15:12

Long eli moning, hemi go fo lukaotem King Sol. Bat hemi herem dat king hemi go finis long taon long Kaamel, an hemi putumap wanfala ston fo makem wea hemi winim faet. An bihaen hemi go long Gilgal.

1 Samuel 17:21

Olketa soldia blong Filistia i kam stanap long ples blong olketa, an olketa soldia blong Israel i kam stanap long ples blong olketa, nao olketa evriwan i redi fo faet.

1 Samuel 17:28

Den Eliab wea hemi fasbon brata blong Deved, hemi herem dat Deved hemi toktok wetem olketa ya. So hemi barava kros long hem, an hemi tok olsem, “?Yu duim wanem long hia? ?Hu nao hemi lukaftarem olketa sipsip blong yu long draeples? !Mi save, yu bikhed an yu man nogud! !Yu kam long hia fo lukim faet nomoa!”

1 Samuel 26:5

Hemi go kolsap long olketa ya fo faendem barava ples wea Sol wetem Abna tufala slip long hem. Abna hu hemi san blong Na, hemi komanda blong ami blong Sol. Nao Deved hemi lukim dat tufala slip long midol long olketa soldia.

1 Samuel 26:7

Long naet ya, tufala gohaed insaet long ples wea olketa haostent blong ami i stap long hem. An yu save, tufala lukim dat Sol hemi slip long midol. Nao spia blong Sol hemi stanap long graon kolsap long hed blong hem, an Abna wetem olketa soldia blong hem i slip raonem hem.