1 Samuel 17:17 - Pijin Bible

^17-19 Wanfala de, Jese hemi tok olsem long Deved, “Deved, distaem, trifala brata blong yu i stap wetem king an olketa narafala soldia blong yumi long vali long Ela. Olketa faet wetem ami blong Filistia long ples ya. Yu tekem bikfala basket wit wea olketa rostem finis, wetem tenfala bred ya, an yu hariap fo go long ples wea olketa stap long hem an givim long trifala. An yu tekem tenfala pis kaikai wea olketa wakem long milk, an givim long komanda blong trifala. An yu trae faendemaot olsem trifala oraet o waswe. An taem yu kambaek yu mas karim kam wanfala samting fo som olsem trifala ya i oraet nomoa.”

Pijin Deuterocanon

^17-19 Wanfala de, Jese hemi tok olsem long Deved, “Deved, distaem, trifala brata blong yu i stap wetem king an olketa narafala soldia blong yumi long vali long Ela. Olketa faet wetem ami blong Filistia long ples ya. Yu tekem bikfala basket wit wea olketa rostem finis, wetem tenfala bred ya, an yu hariap fo go long ples wea olketa stap long hem an givim long trifala. An yu tekem tenfala pis kaikai wea olketa wakem long milk, an givim long komanda blong trifala. An yu trae faendemaot olsem trifala oraet o waswe. An taem yu kambaek yu mas karim kam wanfala samting fo som olsem trifala ya i oraet nomoa.”

1 Samuel 17:17 Iomraidhean Croise

2 Samuel 17:28

Trifala ya i tekem kam plande samting, fo givim long King Deved wetem olketa pipol blong hem. Olketa samting olsem, olketa dis, an olketa baol, an olketa samting fo slip, an samfala kaikai. Olketa kaikai ya i wit, an bali, an flaoa, an wit wea olketa bonem, an olketa bin, an hani, an samfala deferen kaen kaikai wea olketa wakem long milk, an olketa sipsip. Trifala ya i duim bikos trifala save finis olsem Deved wetem olketa pipol blong hem i hanggre an taet, an olketa barava dae fo wata tu bikos olketa kam long drae eria.

Matiu 7:11

Nomata yufala nogud olsem wanem, yufala save givim olketa gudfala samting long olketa pikinini blong yufala. So Dadi blong yufala long heven wea hemi gud tumas winim evriwan, bae hemi givim plande gudfala samting long eniwan hu hemi askem hem.

Gudnius abaotem Jisas Kraes wea Luk hemi raetem 11:13

Nomata yufala nogud olsem wanem, yufala save givim olketa gudfala samting long olketa pikinini blong yufala nomoa. So Dadi blong yufala long heven wea hemi winim evriwan nao, bae hemi givim Holi Spirit long eniwan hu askem hem.”

Stori abaotem Rut 2:14

Long taem fo kaikai, Boas hemi tok olsem long Rut, “Yu kam kaikai. Yu tekem samfala bred an yu putum go long waen ya mekem hemi test gud, an yu kaikaim.” So hemi kam sidaon wetem olketa wakaman, an Boas hemi tekem samfala bali wea olketa bonem finis, an hemi givim long hem. Hemi kaikai go-go hemi fulap, bat hemi no save finisim.

1 Samuel 17:16

Oraet, evri de, long moning an long ivining, Golaeat hemi gohed fo singaot agensim ami blong Israel, an hemi du-duim olsem go-go kasem fotifala de.

1 Samuel 25:18

So Abigeil hemi hariap an tekem 200 bred, an tufala kontena waen, an faefala sipsip wetem faefala baeg bali wea olketa bonem finis, an 100 pasel grep wea i sandrae, wetem 200 pasel frut blong fig tri wea i sandrae. Hemi putum evrisamting long olketa dongki blong hem.