1 Samuel 16:6 - Pijin Bible

⁶ Taem olketa kamap, profet hemi lukim Eliab, san blong Jese, an hemi gohed fo ting olsem, “Ating man hu hemi stanap hia long frant long Yawe nao, bae Yawe hemi siusim.”

Pijin Deuterocanon

⁶ Taem olketa kamap, profet hemi lukim Eliab, san blong Jese, an hemi gohed fo ting olsem, “Ating man hu hemi stanap hia long frant long Yawe nao, bae Yawe hemi siusim.”

1 Samuel 16:6 Iomraidhean Croise

1 Kings 12:26

Jeroboam hemi gohed fo tingting olsem, “Wei wea pipol i stap distaem hemi nogud fo mi. Sapos olketa pipol i go olowe long Jerusalem fo mekem sakrifaes long Tambuhaos blong Yawe, bae olketa save sensim tingting blong olketa an sapotem laen blong King Deved. Ating bae olketa tingstrong moa King Rehoboam blong Jiuda mekem hemi masta blong olketa, an bae olketa kilim mi dae.”

1 Kings 4:11

Ben-Abinadab, hemi lukaftarem taon long Nafat Doa. Man ya hemi maritim Tafat, dota blong King Solomon.

1 Kronikols 2:13

Jese hemi garem sevenfala san. Nao stat long fasbon go kasem lasbon, nem blong olketa i olsem: Eliab, an Abinadab, an Simea,

1 Kronikols 27:18

Elihu hu hemi brata blong King Deved, hemi sif long traeb blong Jiuda. Omri, san blong Maekol, hemi sif long traeb blong Isaka.

1 Kronikols 28:4

“Nomata olsem, Yawe hu hemi God blong Israel, hemi siusim mi an laen blong mi, mekem mifala king ovarem Israel olowe. Mi long traeb blong Jiuda. God hemi siusim Jiuda fo lidim olketa narafala traeb. An long traeb blong Jiuda hemi siusim famili blong dadi blong mi, an long famili ya, hemi mekem mi fo kamap king ovarem evriwan long Israel.

2 Kronikols 11:18

King Rehoboam hemi maritim Mahalat. Mahalat hemi dota blong Jerimot hu hemi san blong King Deved an Abihael. Abihael ya hemi dota blong Eliab hu hemi san blong Jese.

Sams 84:9

God, yu nao yu siusim disfala king blong mifala. !Plis yu blesim hem!

Jajis 8:18

Bihaen, Gidion hemi askem Sif Seba an Sif Salmuna olsem, “?Waswe long olketa man wea yutufala kilim dae long maonten long Teboa?” Nao tufala tok olsem, “Fes blong olketa hemi luk olsem yu nomoa. Mifala lukim dat olketa evriwan i barava olsem nao pikinini blong wanfala sif.”

1 Samuel 17:13

Trifala san blong hem wea i bon fastaem, trifala go wetem king fo faet. Fasbon, nem blong hem Eliab, an mektu, nem blong hem Abinadab, an mektri, nem blong hem Sama.

1 Samuel 17:22

Deved hemi livim olketa kaikai long man wea hemi save lukaftarem evrisamting blong ami, an hemi ran go long ples fo faet. Hemi go lukim trifala brata blong hem, an hemi askem trifala olsem trifala oraet o waswe.