1 Samuel 16:16 - Pijin Bible

¹⁶ Masta, sapos yu laekem, bae mifala save go lukaotem wanfala man wea hemi save gud hao fo ringim gita. An sapos devoldevol ya hemi kambaek long yu, man ya hemi save pleim gita blong hem, an bae yu hapi moa.”

Pijin Deuterocanon

¹⁶ Masta, sapos yu laekem, bae mifala save go lukaotem wanfala man wea hemi save gud hao fo ringim gita. An sapos devoldevol ya hemi kambaek long yu, man ya hemi save pleim gita blong hem, an bae yu hapi moa.”

1 Samuel 16:16 Iomraidhean Croise

1 Kings 10:8

Olketa bikman blong yu an olketa wakaman blong yu i save hapi tumas bikos olketa stap wetem yu olowe, an olketa garem gudfala sans fo herem olketa waes toktok blong yu.

2 Kings 3:15

Yufala go tekem kam wanfala man wea hemi save ringim gita.” Nao taem man ya hemi ringim gita, paoa blong Yawe hemi kam long Profet Elaesa.

1 Samuel 10:5

“An bihaen, bae yu go kasem tambuples long Gibea kolsap long ples wea olketa soldia blong Filistia i stap long hem. Taem yu kam kolsap long taon ya, bae yu faendem wanfala grup blong olketa profet wea olketa kamdaon from tambuples antap long hil. Samfala man hu i ringim deferen kaen gita, an pleim smol dram, an bloum bambu, olketa nao bae go fastaem long olketa profet. An Spirit blong God bae hemi mekem olketa profet i da-dans an singsing fo preisim God.

1 Samuel 16:14

Oraet, Spirit blong Yawe hemi lusim King Sol, an Yawe hemi sendem wanfala ravis devoldevol fo mekem king hemi filnogud.

1 Samuel 16:15

Nao olketa wakaman blong king i tok olsem long hem, “Yu save, God hemi sendem wanfala ravis devoldevol fo mekem yu filnogud.

1 Samuel 16:17

Den hemi ansa olsem long olketa, “Hemi gud. Yufala go lukaotem wanfala man wea hemi save gud hao fo plei, an yufala tekem hem kam long mi.”

1 Samuel 18:10

Long neks de long haos blong king, ravis devoldevol wea God hemi sendem kam, hemi kam strong moa long King Sol, mekem hemi krangge. So Deved hemi tekem gita blong hem, an pleim olsem wea hemi duim evri de. Bat wea, king hemi holem wanfala spia,

1 Samuel 19:9

Narafala taem moa, ravis devoldevol wea Yawe hemi bin sendem kam long Sol, hemi kam bikfala moa long hem. Hemi sidaon insaet long haos blong hem, hemi holem spia blong hem. Deved tu hemi stap, an hemi gohed fo pleim gita blong hem.