1 Samuel 16:12 - Pijin Bible

¹² So Jese hemi sendem wanfala man fo go tekem hem kam. Boe ya hemi naesbola. Bodi blong hem hemi strong an fes blong hem hemi saen. Den Yawe hemi tok olsem long Samuel, “!Hem nao! !Yu stanap, yu mektambu long hem fo kamap king!”

Pijin Deuterocanon

¹² So Jese hemi sendem wanfala man fo go tekem hem kam. Boe ya hemi naesbola. Bodi blong hem hemi strong an fes blong hem hemi saen. Den Yawe hemi tok olsem long Samuel, “!Hem nao! !Yu stanap, yu mektambu long hem fo kamap king!”

1 Samuel 16:12 Iomraidhean Croise

Jenesis 39:6

So Potifa hemi putum evrisamting wea hemi onam long han blong Josef, an hemi no wari moa long enisamting, hemi gohed fo tingting nomoa long olketa kaikai blong hem. Josef hemi wanfala yang man wea hemi barava naesbola fogud.

2 Samuel 23:1

Hem nao las toktok blong Deved, san blong Jese. Diswan hemi blong man wea Hae God hemi mekem hem fo garem biknem. Hemi toktok blong man wea God blong Jekob, hemi siusim hem fo kamap king. Man wea hemi mekem olketa nambawan singsing long Israel, hemi talem las toktok blong hem olsem:

2 Samuel 7:8

“Yu go an talem wakaman blong mi Deved olsem, ‘Yawe nao hemi tok olsem: Mi tekem yu aot from disfala waka wea yu lukaftarem olketa sipsip long open ples. An mi mekem yu kamap lida blong olketa pipol blong mi long Israel.

1 Kings 1:34

An long ples ya, Prist Sadok an Profet Natan, yutufala mas kapsaetem oel go long hed blong hem fo mektambu long hem fo kamap king long Israel. Den olketa mas bloum trampet an yufala mas singaot bikfala olsem, ‘!King Solomon, yu nao king olowe!’

Sams 2:2

Olketa king long disfala wol i mekredi nao fo faet. Olketa hu i rulim olketa pipol long wol i joen tugeta nao fo faet. Olketa redi fo faet agensim Yawe an disfala king ya wea hemi bin siusim fo duim waka blong hem.

Sams 2:6

Hemi tok olsem, “Mi bin putum finis king blong mi long Saeon, disfala holi maonten blong mi ya.”

Sams 78:70

Deved hemi man fo lukaftarem olketa sipsip, bat God hemi siusim hem fo kamap wakaman blong hem. So hemi tekem hem aot from waka ya, an hemi mekem hem fo kamap king blong olketa laen long Israel. Nao hemi kamap man fo lukaftarem olketa pipol blong hem.

Eksodas 2:2

Woman ya hemi kamap babule an hemi bonem wanfala bebi boe, an hemi lukim dat bebi ya hemi gud tumas. Nao hemi haedem hem go-go kasem trifala mans.

Nambawan Singsing 5:10

Man blong mi ya hemi strong, an hemi barava luknaes tumas. Nomata 10,000 man i kam, bat hemi gud moa winim evriwan.

Lamentesin 4:7

Bifoa, olketa bikman i klin fogud, olsem snou wea hemi jes foldaon kam. Olketa strong an helti, wea no eni sik hemi save kasem olketa.

Sekaraea 4:14

So hemi tok olsem, ?Yawe hemi rul ovarem evrisamting long disfala wol, an tufala samting ya, hem nao tufala man wea bae hemi siusimaot fo duim waka blong hem.?

Aposol 4:27

Tru Masta, Herod Antipas an Pontias Paelat tufala barava hipap tugeta wetem olketa pipol hu i no Jiu an olketa pipol blong Israel tu, an olketa agensim Jisas disfala Holi Wakaman blong yu hu yu bin mekem hem kamap Mesaea.

Aposol 7:20

Nao long disfala taem, Mosis hemi bon kam an hemi barava luk gudfala tumas ya. An long trifala mans nao olketa lukaftarem hem long haos.

Hibrus 11:23

Mami an dadi blong Mosis tufala biliv long God, an dastawe tufala haedem hem fo trifala mans bihaen hemi bon kam. Tufala lukim dat bebi ya hemi gud tumas, dastawe nao tufala no fraet fo brekem lo blong king.

1 Samuel 16:18

Wanfala long olketa hemi tok olsem, “Yufala save, wanfala yangman, san blong Jese long Betlehem, hemi save plei gud tumas. Hemi wanfala gudfala soldia wea hemi no save fraet. Fes blong hem hemi luknaes, an hemi save toktok gud tu, an Yawe hemi stap wetem hem.”

1 Samuel 17:42

an taem Golaeat hemi lukim Deved, hemi lukdaonem hem, bikos hemi wanfala naesbola boe nomoa.

1 Samuel 17:55

Taem King Sol hemi lukim dat Deved hemi go fo faetem Golaeat, hemi askem Abna, disfala komanda blong ami blong hem olsem, “?Abna, san blong hu nao ya?” Abna hemi ansa, “Olsem yu laef, mi barava toktru, mi nating save.”

1 Samuel 9:17

Taem Samuel hemi lukim Sol, Yawe hemi tok olsem long hem, “Hem nao man wea mi bin tokabaotem long yu. Disfala man nao bae hemi rul ovarem pipol blong mi.”