1 Samuel 15:1 - Pijin Bible

¹ Wanfala taem, Samuel hemi tok olsem long King Sol, “Mi nao man wea Yawe hemi sendem fo mektambu long yu fo kamap king, so yu mas lisin kam gudfala long mesij blong Yawe.

Pijin Deuterocanon

¹ Wanfala taem, Samuel hemi tok olsem long King Sol, “Mi nao man wea Yawe hemi sendem fo mektambu long yu fo kamap king, so yu mas lisin kam gudfala long mesij blong Yawe.

1 Samuel 15:1 Iomraidhean Croise

2 Kings 7:1

Bat profet hemi tok olsem, “!King! !Yu lisin kam long Mesij blong Yawe! Yawe nao hemi tok olsem: Tumoro long disfala taem, long geit blong wolston blong Samaria, bae olketa save salem faev kilo flaoa long wan silva seleni, an ten kilo bali long wan silva seleni.”

1 Samuel 10:1

Den hemi tekem wanfala smol botol oliv oel an hemi kapsaetem go long hed blong Sol, an hemi kisim hem, den hemi tok olsem, “Yawe hemi bin siusim yu finis fo kamap king an lidim pipol blong Israel.

1 Samuel 12:14

An bae evrisamting hemi oraet nomoa long yufala sapos yufala duim olketa samting olsem: yufala mas tinghae long Yawe God blong yumi, an yufala mas duim waka blong hem, an yufala mas lisin long hem, an yufala mas no les long toktok blong hem, an king blong yufala tu hemi mas falom hem olowe.

1 Samuel 13:13

Bat Samuel hemi tok olsem long hem, “?Waswe nao yu krangge olsem? Yawe hemi God blong yu, bat yu no obeim toktok blong hem. Sapos yu obeim toktok blong hem, bae hemi save mekem olketa long laen blong yu fo kamap king blong Israel olowe nao.

1 Samuel 9:15

Long de bifoa Sol hemi mitim Samuel, Yawe hemi bin tok olsem long Samuel,

1 Samuel 9:16

“Mi lukim finis dat olketa pipol blong mi i filnogud an mi herem finis wea olketa krae long mi fo mi helpem olketa. Tumoro long distaem, bae mi sendem kam wanfala man blong traeb blong Benjamin fo lukim yu. Bae yu mas kapsaetem oel go long hed blong hem fo mektambu long hem fo kamap king blong Israel. An bae hemi sevem yufala from paoa blong olketa blong Filistia.”