1 Samuel 14:40 - Pijin Bible

⁴⁰ So hemi tok olsem long olketa soldia blong Israel, “Yufala evriwan mas go stanap longwe, an mitufala Jonatan bae stanap long hia.” Olketa ansa olsem, “Hemi gud nomoa.”

Pijin Deuterocanon

⁴⁰ So hemi tok olsem long olketa soldia blong Israel, “Yufala evriwan mas go stanap longwe, an mitufala Jonatan bae stanap long hia.” Olketa ansa olsem, “Hemi gud nomoa.”

1 Samuel 14:40 Iomraidhean Croise

2 Samuel 15:15

An olketa tok olsem, “King, masta blong mifala, mifala redi nomoa fo duim evrisamting wea yu talem.”

1 Samuel 1:23

An Elkana hemi tok olsem, “Hem oraet nomoa. Yu duim olsem wea yu tingim hemi gud. Yu save stap go-go kasem taem wea hemi lusim susu. Letem Yawe hemi mekem promis blong yu hemi kamap tru.” Nao Hana hemi stap nomoa long Rama go kasem taem wea pikinini hemi lusim susu.

1 Samuel 14:36

An hemi tok olsem long olketa soldia blong hem, “Tunaet bae yumi godaon fo faetem moa ami blong Filistia go-go kasem moning. Bae yumi kilim dae olketa evriwan, an tekem evrisamting blong olketa.” An olketa sei, “Hemi gud nomoa. Bae yumi duim olsem wea yu tingim hemi stret.” Bat prist Ahaeja hemi tok olsem, “Weit, yumi mas faendemaot fastaem long God.”

1 Samuel 14:39

Mi tok tru long nem blong Yawe hu hemi laef an hemi mekem yumi fo win, mi promis olsem man wea hemi duim nogud samting ya, hem mas dae. !Nomata san blong mi Jonatan, o hu, hem mas dae!” Bat evriwan i stap kuaet.

1 Samuel 14:41

Den Sol hemi prea olsem, “Lod Yawe God blong Israel, plis yu givim stret ansa long mi.” Den ansa hemi kam olsem king wetem Jonatan i duim samting, bat olketa soldia i stret nomoa.

1 Samuel 14:7

Nao yangman ya hemi ansa olsem, “Hemi gud nomoa. Enisamting wea yu laek fo duim, mi falom tingting blong yu nomoa ya.”