1 Samuel 14:18 - Pijin Bible

¹⁸ Long taem ya, ami blong Israel i karim Tambu Boks blong Yawe wetem olketa long taem fo faet. Sol hemi tok olsem long Prist Ahaeja, “Yu tekem kam Tambu Boks ya.”

Pijin Deuterocanon

¹⁸ Long taem ya, ami blong Israel i karim Tambu Boks blong Yawe wetem olketa long taem fo faet. Sol hemi tok olsem long Prist Ahaeja, “Yu tekem kam Tambu Boks ya.”

1 Samuel 14:18 Iomraidhean Croise

2 Samuel 11:11

Bat Yuraea hemi tok olsem, “Olketa soldia blong Israel an olketa soldia blong Jiuda i stap nomoa long olketa haostent long ples fo faet. An Tambu Boks tu hemi stap wetem olketa. Komanda blong mi Joab wetem olketa bikman blong hem i stap long olketa haostent nomoa long aotsaet long open ples. ?So hao nao bae mi go long haos fo kaikai gudfala, an dring gudfala, an slip wetem waef blong mi? !Olsem yu laef, mi toktru, mi no save duim samting ya!”

Nambas 27:21

An Josua mas go olowe long Haeprist Eleasa fo save long tingting blong mi. Haeprist bae hemi yusim disfala spesol ston Urim long frant long mi Yawe, fo faendemaot evrisamting wea mi laekem. So long disfala wei, bae mi save lidim hem wetem pipol blong Israel long evrisamting wea olketa duim.”

Jajis 20:18

Oraet, olketa blong Israel i go long tambuples long Betel an prea olsem go long God, “?Hu long mifala nao bae hemi go fastaem fo faetem traeb blong Benjamin?” Yawe hemi ansa olsem, “Traeb blong Jiuda mas lidim yufala.”

1 Samuel 14:17

Den Sol hemi tok olsem long olketa soldia blong hem, “Yufala go kaontem olketa soldia blong yumi, mekem yumi save hu nao hemi no stap long hia.” An taem olketa kaontem, olketa faendem olsem Jonatan wetem yangfala soldia wea hemi karim samting fo faet blong hem, tufala no stap.

1 Samuel 14:36

An hemi tok olsem long olketa soldia blong hem, “Tunaet bae yumi godaon fo faetem moa ami blong Filistia go-go kasem moning. Bae yumi kilim dae olketa evriwan, an tekem evrisamting blong olketa.” An olketa sei, “Hemi gud nomoa. Bae yumi duim olsem wea yu tingim hemi stret.” Bat prist Ahaeja hemi tok olsem, “Weit, yumi mas faendemaot fastaem long God.”

1 Samuel 23:9

Bat taem Deved hemi herem nius wea Sol hemi mekem plan fo kam kilim hem, hemi tok olsem long Prist Abiata, “Yu tekem kam efod fo prea go long Yawe.”

1 Samuel 5:2

Den olketa go putum insaet long tambuhaos blong wanfala god blong olketa wea nem blong hem nao Dagon. Olketa putum go kolsap long ston tambu kaving blong Dagon.

1 Samuel 7:1

So olketa man blong Kiriat-Jearim i go fo tekem kam Tambu Boks ya. Olketa putum long haos blong Abinadab wea hemi stap antap long hil. An olketa mektambu long Eleasa hu hem wanfala san blong Abinadab, mekem hem lukaftarem Tambu Boks ya.