1 Samuel 13:5 - Pijin Bible

⁵ Nao olketa soldia blong Filistia i kam tugeta fo faetem pipol blong Israel. Olketa garem 3,000 kaat fo faet wea hos hemi pulum, an 6,000 soldia fo ran long hos, an olketa narafala soldia moa wea i plande tumas olsem sanbis long saetsi. Olketa go stap long Mikmas long saet long ist long Bet-Aven.

Pijin Deuterocanon

⁵ Nao olketa soldia blong Filistia i kam tugeta fo faetem pipol blong Israel. Olketa garem 3,000 kaat fo faet wea hos hemi pulum, an 6,000 soldia fo ran long hos, an olketa narafala soldia moa wea i plande tumas olsem sanbis long saetsi. Olketa go stap long Mikmas long saet long ist long Bet-Aven.

1 Samuel 13:5 Iomraidhean Croise

Jenesis 22:17

bae mi barava blesim yu, an olketa wea bae i bon kam long laen blong yu, bae olketa staka fogud. Bae olketa plande tumas olsem olketa sta long skae, an olsem olketa sanbis daon long saet si. An bae olketa gohed fo winim olketa enemi blong olketa.

2 Samuel 17:11

“So tingting blong mi hemi olsem. Bae yu mas kolem kam evri soldia blong Israel, stat long Dan long not olowe go kasem Beereseba long saot, mekem olketa i plande olsem sanbis long saet si. Den yu nomoa yu mas lidim olketa go fo faet.

1 Kings 20:27

An King Ehab tu hemi kolem kam olketa soldia blong Israel fo faet. An hemi givim olketa kaikai long olketa, an bihaen olketa go fo fesim olketa soldia blong Siria. Ami blong Israel hemi go stap kolsap long ami blong Siria. Nao ami blong Israel i luk olsem smolfala seksin long olketa nanigot nomoa. Bat ami blong Siria i barava fulap long eria long Afek.

Aesaea 10:28

(Profet) Long datfala taem, bae olketa enemi i kam long taon long Aeat, an olketa pas tru long taon long Migron an putum evri hevi samting blong olketa wea olketa no nidim long Mikmas.

Aesaea 48:19

Ya, sapos yufala bin obeim mi, bae mi mekem olketa hu bae i bon kam long laen blong yufala, fo kamap plande tumas olsem olketa sanbis long saet si. An bae mi nating letem eniwan fo spoelem olketa.”

Jeremaea 15:8

Bae mi mekem plande woman moa fo kamap wido, mekem namba blong olketa ya i winim nao sanbis long solwata. Long midol long de, bae mi sendem olketa enemi fo spoelem olketa yangman blong yufala, an seknomoa olketa mami blong olketa i sore tumas an fraet fogud.

Hosia 10:5

Olketa long taon long Samaria i barava fraet fo lusim tu disfala man buluka wea olketa wakem long gol, an olketa gohed fo wosipim kam long Bet-Aven. Distaem olketa barava mekhae nao long disfala kaving. Bat taem olketa enemi i tekem disfala kaving god long ples blong olketa, bae olketa long Samaria wetem olketa prist blong kaving god ya i barava sore an krae bikfala.

Hosia 4:15

“Olketa pipol blong mi. Nomata yufala blong Israel i lusim mi finis an aftarem nao olketa narafala god, bat yufala blong Jiuda mas no falom disfala ravis wei blong olketa ya long Israel. Yufala mas no go long Gilgal o Bet-Aven, fo wosipim olketa narafala god, an fo mekem strongfala promis long nem blong mi Yawe hu mi laef.

Hosia 5:8

Yawe hemi tok moa olsem, “!Olketa long Benjamin! !Bloum trampet long Gibea an Rama fo wonem olketa pipol! !Yufala long Bet-Aven mas redi fo faet! !Lukaot! !Olketa enemi i aftarem yufala nao!

Leta wea Pol hemi raetem go long sios long Rom 9:27

An Aesaea hemi tokabaotem olketa pipol blong Israel, wea hemi singaot olsem, “Nomata pipol blong Israel olketa plande tumas olsem sanbis long saet si, bae samfala nomoa God hemi sevem olketa.

Josua 11:4

Olketa paramaon sif ya kam tugeta wetem evri soldia blong olketa, wea i staka fogud olsem sanbis long saet si. Olketa garem tu plande hos an plande kaat fo faet wea olketa hos nao i pulum.

Josua 18:12

Spialaen long eria ya hemi stat long Jodan Riva, an hemi go narasaet antap long hil long not saet long Jeriko, an hemi tane go moa antap long olketa hil eria long west go-go kasem drae eria long Bet-Aven.

Josua 7:2

Long taem wea olketa stap long Jeriko, Josua hemi sendem samfala man fo gohaed long taon long Ai, fo luksave long ples ya. Ai hemi stap long wanfala hil long ist saet long taon long Betel wea hemi kolsap long taon long Bet-Aven. Taem olketa luksave long ples ya finis,

Jajis 7:12

Olketa ami wea i stap long bikfala flat ples ya nao hemi olsem, ami blong Midian wetem ami blong Amalek, an ami blong olketa long drae eria long saet long ist. Olketa ya i staka tumas olsem anis wea hemi kavaremap olketa ples. An olketa kamel blong olketa evriwan i plande tumas tu olsem sanbis long saetsi.

1 Samuel 13:11

bat Samuel hemi tok olsem, “?Waswe nao yu mekem samting ya?” Sol hemi ansa olsem, “Mi lukim olketa soldia i stat fo ranawe from mi, an yu no kam long taem wea yu bin promis ya. An olketa soldia blong Filistia i kamap finis long Mikmas.

1 Samuel 13:2

den hemi siusim 3,000 man fo kamap olsem ami blong hem, an hemi sendem olketa narafala man fo gohom. Hemi mekem 2,000 soldia fo stap wetem hem long Mikmas, an long olketa hil long Betel, an hemi sendem 1,000 soldia fo go wetem san blong hem Jonatan long Gibea long distrik blong Benjamin.

1 Samuel 14:23

an kilim olketa dae, go-go faet hemi gopas long taon long Bet-Aven. Long datfala de, Yawe hemi barava helpem ami blong Israel fo win.

1 Samuel 14:52

Oltaem long laef blong King Sol, hemi save faet strong tumas agensim pipol blong Filistia. Dastawe taem hemi lukim eni man wea hemi strong an hemi no save fraet, hemi tekem hem kam fo joenem olketa soldia blong hem.

1 Samuel 17:1

Wanfala taem, ami blong Filistia i kamap tugeta fo faetem pipol blong Israel. Olketa kam long Soko, wanfala taon long distrik long Jiuda, an putumap olketa haostent blong olketa long Efes-Damim, wanfala ples midol long tufala taon long Soko an Aseka.

1 Samuel 7:13

So ami blong Filistia i lus, an olketa no kambaek moa long lan blong Israel fo faetem olketa. An long taem blong Profet Samuel, Yawe hemi agensim olketa blong Filistia ya.