1 Samuel 13:11 - Pijin Bible

¹¹ bat Samuel hemi tok olsem, “?Waswe nao yu mekem samting ya?” Sol hemi ansa olsem, “Mi lukim olketa soldia i stat fo ranawe from mi, an yu no kam long taem wea yu bin promis ya. An olketa soldia blong Filistia i kamap finis long Mikmas.

Pijin Deuterocanon

¹¹ bat Samuel hemi tok olsem, “?Waswe nao yu mekem samting ya?” Sol hemi ansa olsem, “Mi lukim olketa soldia i stat fo ranawe from mi, an yu no kam long taem wea yu bin promis ya. An olketa soldia blong Filistia i kamap finis long Mikmas.

1 Samuel 13:11 Iomraidhean Croise

Jenesis 3:13

Nao Yawe hemi tok long woman ya olsem, “?Waswe nao yu duim diswan?” Nao woman ya hemi tok olsem, “Bat snek ya nao hemi konem mi, dastawe nao mi kaikaim frut ya.”

Jenesis 4:10

Nao Yawe hemi tok olsem long hem, “?Waswe nao yu duim disfala nogud samting ya? !Mi herem blad blong brata blong yu hemi gohed fo krae kam long mi from graon, an hemi kolem mi fo stretem disfala samting ya!

2 Samuel 3:24

So hemi go lukim king, an hemi tok olsem, “?Watkaen samting nao yu duim? Abna hemi kam long ples blong yu finis. ?Waswe nao yu letem hem go olsem?

2 Kings 5:25

Oraet, hemi go lukim masta blong hem, Elaesa. Elaesa hemi askem hem olsem, “?Yu kam long wea?” Bat hemi tok olsem, “Mi no go long eni ples.”

Aesaea 10:28

(Profet) Long datfala taem, bae olketa enemi i kam long taon long Aeat, an olketa pas tru long taon long Migron an putum evri hevi samting blong olketa wea olketa no nidim long Mikmas.

Josua 7:19

Nao Josua hemi tok olsem long hem, “Wantok, fo somaot dat yu tinghae long Yawe God blong yumi blong Israel, yu mas toktru. Yu mas talem mi disfala nogud samting wea yu bin duim, an no trae fo haedem enisamting from mi.”

1 Samuel 13:12

An hemi luk olsem hemi no longtaem bifoa olketa kam faetem mi moa long hia. An bikos mi nating mekem enisamting yet fo Yawe hemi hapi long mi, hem nao mi mas ofarem disfala sakrifaes wea hemi barava bone.”

1 Samuel 13:16

King Sol wetem san blong hem Jonatan an olketa soldia blong tufala i stap long Geba. Bat olketa soldia blong Filistia i stap long Mikmas wea hemi kolsap nomoa long Geba.

1 Samuel 13:2

den hemi siusim 3,000 man fo kamap olsem ami blong hem, an hemi sendem olketa narafala man fo gohom. Hemi mekem 2,000 soldia fo stap wetem hem long Mikmas, an long olketa hil long Betel, an hemi sendem 1,000 soldia fo go wetem san blong hem Jonatan long Gibea long distrik blong Benjamin.

1 Samuel 13:23

Oraet, wanfala grup long soldia blong Filistia i muv go long ples wea rod hemi gotru long midol long olketa hil long Mikmas.

1 Samuel 13:5

Nao olketa soldia blong Filistia i kam tugeta fo faetem pipol blong Israel. Olketa garem 3,000 kaat fo faet wea hos hemi pulum, an 6,000 soldia fo ran long hos, an olketa narafala soldia moa wea i plande tumas olsem sanbis long saetsi. Olketa go stap long Mikmas long saet long ist long Bet-Aven.

1 Samuel 14:5

Wanfala hemi stap long not long saet blong Mikmas, an narawan hemi stap long saot long saet blong Geba.