1 Samuel 12:5 - Pijin Bible

⁵ Den, Samuel hemi tok olsem, “Yawe wetem king wea hemi bin siusim, tufala nao i witnes long toktok blong yufala tude, wea yufala talem mi nating duim enisamting wea hemi rong.” An olketa sei olsem, “Ya, Yawe nao hemi witnes blong yumi.”

Pijin Deuterocanon

⁵ Den, Samuel hemi tok olsem, “Yawe wetem king wea hemi bin siusim, tufala nao i witnes long toktok blong yufala tude, wea yufala talem mi nating duim enisamting wea hemi rong.” An olketa sei olsem, “Ya, Yawe nao hemi witnes blong yumi.”

1 Samuel 12:5 Iomraidhean Croise

Jenesis 31:50

An hemi tok moa olsem, “Sapos yu duim enisamting nogud long tufala dota blong mi ya, o yu maritim narafala woman moa, hemi gud fo yu gohed fo tingim dat God hemi gohed fo lukim yumitufala, nomata sapos no eniwan hemi stap fo sekap long yumitufala.

Stori abaotem Job 16:19

Yu save, distaem, witnes blong mi hemi stap nomoa long heven an hem nao bae hemi saet wetem mi long antap.

Stori abaotem Job 42:7

Bihaen Yawe hemi toktok finis wetem Job, hemi tok olsem long Elifas from Teman, “Mi kros tumas long yu an tufala fren blong yu ya, bikos yufala nating toktru abaotem mi, olsem toktok blong wakaman blong mi Job.

Sams 17:3

Yu save long tingting blong mi. Yu bin kam finis long mi long naet, an yu luksave finis long laef blong mi, wea mi no laekem eni ravis samting.

Gudnius abaotem Jisas Kraes wea Jon hemi raetem 18:38

Nao Paelat hemi askem hem moa olsem, “?Wanem nao hemi tru samting?” An bihaen, Paelat hemi go aotsaet moa long olketa bikman blong olketa Jiu an hemi tok olsem long olketa, “Mi no faendem enisamting wea man ya hemi duim wea hemi rong.

Aposol 23:9

Nao tufala seksin ya i gohed fo singaot bikfala moa, go-go samfala tisa blong Lo wea olketa blong Farasi, olketa stanap an gohed fo tokstrong olsem, “!Mifala nating faendem enisamting wea man ya hemi duim rong ya! !Maet wanfala spirit o wanfala enjel nao hemi bin toktok kam long hem!”

Aposol 24:16

So mi barava traehad oltaem nomoa fo mekem tingting blong mi fo no filsem long ae blong God o long ae blong olketa pipol.

Aposol 24:20

Sapos nomoa, olketa bikman ya wea olketa stap long Kansol long taem mi stanap long frant blong olketa bifoa, olketa nao mas talemaot wanem olketa bin faendem wea mi duim rong.

1 Korin 4:4

Mi no save tingim enisamting wea mi duim rong, bat hemi no minim wea mi stretfala man ya. Masta blong yumi, hem nomoa hemi garem paoa fo jajem mi.

2 Korin 1:12

Mifala praod bikos tingting blong mifala hemi somaot dat mifala no falom save blong man, bat mifala falom nomoa paoa blong kaenfala lav blong God. Hemi olsem bikos mifala toktru olowe an mifala falom stretfala wei wea God hemi laekem. Oltaem, mifala duim olsem. An taem mifala stap wetem yufala, mifala bin duim olsem tu.

1 Samuel 12:4

Nao olketa pipol i ansa olsem, “Nomoa, yu nating bin ravem mifala, an yu nating bin mekful long mifala, an yu nating bin tekem enisamting long mifala.”

1 Samuel 26:9

Bat Deved hemi toksmol olsem, “!Nomoa, yu no kilim hem! Yawe nomoa hemi siusim king ya, an hem bae hemi panisim eniwan wea hemi kilim hem dae.