1 Samuel 11:6 - Pijin Bible

⁶ An taem hemi herem nius ya nomoa, Spirit blong God hemi kam an kontrolem hem nao wea hemi mekem hem kamap kros tumas.

Pijin Deuterocanon

⁶ An taem hemi herem nius ya nomoa, Spirit blong God hemi kam an kontrolem hem nao wea hemi mekem hem kamap kros tumas.

1 Samuel 11:6 Iomraidhean Croise

Eksodas 32:19

Taem Mosis hemi kam kolsap long ples wea olketa pipol i stap long hem, an hemi save lukim go nao datfala gol buluka, wetem olketa pipol hu i gohed fo dans, hemi barava kros fogud. So, hemi torowem godaon tufala ston ya wea hemi karim kam, an hemi brekem tufala finis long botom long maonten ya.

Nambas 12:3

Yu save, Mosis, hemi wanfala man wea hemi hambol tumas. No eni narafala man long wol hemi save hambol olsem hem.

Gudnius abaotem Jisas Kraes wea Mak hemi raetem 3:5

An Jisas hemi lukstrong long olketa, an hemi kros tumas long olketa bikos olketa barava bikhed tumas. Bat semtaem tu hemi sore tumas long olketa. An hemi talem olsem long man ya, “Yu stretem han blong yu.” Taem man ya hemi stretem han blong hem nomoa, han blong hem hemi barava gudbaek nao.

Efesas 4:26

“Sapos yufala filkros, yufala mas no letem kros blong yufala fo mekem yufala duim wanem hemi rong.” Yufala mas no gohed fo kros kasem taem san hemi godaon.

Jajis 11:29

Oraet, Spirit blong Yawe hemi kam long Jefta an givim paoa long hem. So hemi go long lan blong Gilead an long lan blong Manase fo kolem kam olketa man fo faet. An hemi kambaek moa long Mispa long Gilead an bihaen hemi go fo faetem laen blong Amon.

Jajis 13:25

Oraet, Spirit blong Yawe hemi stat fo mekem Samson fo kamap strong taem hemi stap long Mahane-Dan, wanfala ples midol long tufala taon long Sora an Estaol.

Jajis 14:6

Nao Spirit blong Yawe hemi kamdaon long hem an mekem hem kamap barava strong tumas, an hemi go kilim dae laeon ya an pisisim bodi blong hem long han blong hem nomoa. Hemi kilim dae datfala laeon olsem wea laeon save kilim dae smolfala nanigot nomoa. Bat hemi no talem samting ya long mami an dadi blong hem.

Jajis 15:14

Oraet, taem olketa kasem Lehi, olketa soldia blong Filistia i ran kam long hem an olketa singaot. Long datfala taem, Spirit blong Yawe hemi kam long hem, an hemi mekem hemi strong moa. Hemi brekem tufala rop ya wea olketa taemapem long hem, olsem wea man save brekem drae gras.

Jajis 3:10

Nao Spirit blong Yawe hemi kam long Otniel an hemi givim paoa long hem an hemi kamap sif blong Israel an lidim olketa long faet. Nao Yawe hemi mekem Otniel winim Kusan-Risataem.

Jajis 6:34

Long datfala taem, Spirit blong Yawe hemi kam long Gidion. Nao Gidion hemi stanap an bloum trampet fo kolem laen blong hem fo kam falom hem.

1 Samuel 10:10

Taem Sol wetem wakaman i kasem Gibea, wanfala grup long olketa profet i kam mitim hem. Nao seknomoa, Spirit blong God hemi kam long Sol an hemi go joenem olketa, an hemi dans an singsing fo preisim God.

1 Samuel 10:6

An seknomoa, Spirit blong Yawe bae hemi kam kontrolem yu, an yu tu bae yu go joenem olketa fo dans an singsing fo preisim God. Hem nao bae yu kamap deferen man finis.

1 Samuel 16:13

So Samuel hemi tekem oliv oel, hemi kapsaetem go long hed blong Deved fo mektambu long hem. Hemi duim samting ya long ae blong olketa brata blong hem. Stat long de ya, Spirit blong Yawe hemi stap oltaem wetem hem. Bihaen, Samuel hemi gohom long Rama.

1 Samuel 16:14

Oraet, Spirit blong Yawe hemi lusim King Sol, an Yawe hemi sendem wanfala ravis devoldevol fo mekem king hemi filnogud.