1 Samuel 10:11 - Pijin Bible

¹¹ Bat taem olketa hu i save long Sol i lukim olketa samting wea hemi duim, olketa askem olsem, “!Ei! !San blong Kis ya! ?Wanem nao i kasem hem? ?Waswe, Sol tu hemi kamap profet finis?”

Pijin Deuterocanon

¹¹ Bat taem olketa hu i save long Sol i lukim olketa samting wea hemi duim, olketa askem olsem, “!Ei! !San blong Kis ya! ?Wanem nao i kasem hem? ?Waswe, Sol tu hemi kamap profet finis?”

1 Samuel 10:11 Iomraidhean Croise

Emos 7:14

Mi ansarem hem olsem, ?Waka blong mi hemi no olsem waka blong olketa profet. Mi man fo lukaftarem nomoa olketa buluka an sipsip blong mi ya, an mi gohed fo lukaftarem nomoa plantesin blong mi long olketa fig tri.

Emos 7:15

Bat Yawe nao hemi tekem mi aot from waka blong mi, an hemi tokstrong long mi fo kam talemaot toktok blong hem fo yufala olketa pipol blong hem long Israel.

Gudnius abaotem Jisas Kraes wea Jon hemi raetem 7:15

An olketa bikman ya olketa sapraes fogud taem olketa herem tising blong hem, an olketa tok olsem, “!Man ya hemi nating skulim diswan nomoa! ?Bat hao nao hemi barava save tumas long evrisamting ya?”

Aposol 3:10

olketa luksave dat hem nao disfala man hu hemi save sidaon olowe kolsap long Nambawan Geit ya an askem seleni long olketa. An olketa barava sapraes fogud an olketa no save wanem fo talem nao taem olketa lukim wanem hemi hapen finis long disfala man ya.

Aposol 4:13

Olketa man long Kansol olketa sapraes fo lukim hao Pita an Jon tufala nating fraet nomoa, nomata tufala no bikman an tufala nating skul gud tu. An olketa luksave dat tufala save go-goraon oltaem wetem Jisas bifoa.

Aposol 9:21

Evriwan hu i herem toktok blong hem olketa sapraes tumas, an olketa sei, “!Hem nao disfala man wea hemi bin kilim dae olketa pipol hu i prea long disfala Jisas ya! Hemi mekem olsem finis long Jerusalem, an distaem hemi kam long hia tu fo kasholem olketa an tekem olketa go long olketa hedprist ya. ?So hao nao ya?”

1 Samuel 19:24

Taem hemi barava kolsap long Samuel, hemi tekemaot olketa kaleko blong hem an gohed yet fo dans an singsing fo preisim God. An hemi foldaon an hemi leidaon neket go kasem tudak, an hemi gohed olsem go-go kasem delaet moa. From samting ya nao, olketa talem tok olsem, “?Waswe, Sol tu hemi kamap profet finis?”