1 Samuel 1:23 - Pijin Bible

²³ An Elkana hemi tok olsem, “Hem oraet nomoa. Yu duim olsem wea yu tingim hemi gud. Yu save stap go-go kasem taem wea hemi lusim susu. Letem Yawe hemi mekem promis blong yu hemi kamap tru.” Nao Hana hemi stap nomoa long Rama go kasem taem wea pikinini hemi lusim susu.

Pijin Deuterocanon

²³ An Elkana hemi tok olsem, “Hem oraet nomoa. Yu duim olsem wea yu tingim hemi gud. Yu save stap go-go kasem taem wea hemi lusim susu. Letem Yawe hemi mekem promis blong yu hemi kamap tru.” Nao Hana hemi stap nomoa long Rama go kasem taem wea pikinini hemi lusim susu.

1 Samuel 1:23 Iomraidhean Croise

2 Samuel 7:25

“Lod Yawe, God blong mi, disfala promis wea yu mekem long mi an long laen blong mi, plis yu mekem hemi stap fo evritaem olowe nao. Plis yu duim olketa samting wea yu bin promisim,

1 Kings 3:21

Long moning, taem mi getap fo givim susu long bebi blong mi, mi lukim dat hemi dae finis. Bat taem mi lukluk gud long hem, mi luksave dat hemi no bebi blong mi.”

Sams 22:9

Stat long datfala de wea mi bin bon long hem, an ka-kam kasem tude, oltaem mi bin trastem yu, yu nao yu God blong mi. Long taem wea mami blong mi hemi bonem mi, yu nao bin lukaftarem mi an mi sef. An long taem wea mi smolfala pikinini nomoa, yu bin givim laef long mi.

Aesaea 44:26

Bat taem wakaman blong mi hemi talem dat bae wanfala samting hemi hapen, o mi sendem wanfala man blong mi fo talemaot olketa plan blong mi, bae mi mekem olketa samting ya fo hapen tru olsem nao. Mi nao mi talem dat bae pipol i stap moa long Jerusalem, an bae olketa stanemap moa olketa taon long Jiuda. Ya, olketa taon ya wea olketa enemi i spoelem finis, bae i stanap moa from graon.

Nambas 30:12

Bat sapos hasban blong hem hemi here abaotem disfala promis, an hemi stopem waef blong hem fo no duim, disfala woman hemi no save kipim disfala promis. An Yawe bae hemi fogivim hem, bikos hasban blong hem hemi stopem.

Matiu 24:19

!An olketa woman hu i babule o garem olketa smolfala pikinini wea olketa susu yet long taem ya, olketa mas lukaot!

Gudnius abaotem Jisas Kraes wea Luk hemi raetem 11:27

Taem Jisas hemi talem olketa samting ya finis, wanfala woman long olketa evriwan hu i hipap ya, hemi singaot olsem, “!Woman wea hemi bonem yu an givim susu long yu, hemi hapi tumas ya!”

1 Samuel 1:17

Nao Ilae hemi tok olsem long Hana, “Letem God blong yumi long Israel hemi givim disfala samting long yu wea yu askem. Yu go an yu no wari moa.”

1 Samuel 14:36

An hemi tok olsem long olketa soldia blong hem, “Tunaet bae yumi godaon fo faetem moa ami blong Filistia go-go kasem moning. Bae yumi kilim dae olketa evriwan, an tekem evrisamting blong olketa.” An olketa sei, “Hemi gud nomoa. Bae yumi duim olsem wea yu tingim hemi stret.” Bat prist Ahaeja hemi tok olsem, “Weit, yumi mas faendemaot fastaem long God.”

1 Samuel 14:40

So hemi tok olsem long olketa soldia blong Israel, “Yufala evriwan mas go stanap longwe, an mitufala Jonatan bae stanap long hia.” Olketa ansa olsem, “Hemi gud nomoa.”