1 Pita 3:4 - Pijin Bible

⁴ Bat wanem hemi stap insaet long maen blong yufala nao hemi save mekem yufala fo luknaes tumas. Diswan nao hemi save stap olowe, bikos hemi stap long laef wea hemi hambol an kuaet. An long ae blong God, laef olsem nao hemi barava lukgud tumas long hem.

Pijin Deuterocanon

⁴ Bat wanem hemi stap insaet long maen blong yufala nao hemi save mekem yufala fo luknaes tumas. Diswan nao hemi save stap olowe, bikos hemi stap long laef wea hemi hambol an kuaet. An long ae blong God, laef olsem nao hemi barava lukgud tumas long hem.

1 Pita 3:4 Iomraidhean Croise

Sams 131:2

Distaem mi barava hapi an tingting blong mi hemi kuaet nao, olsem pikinini wea hemi leidaon kuaet nomoa insaet long am blong mami blong hem.

Sams 147:6

Yawe hemi helpem olketa hu pipol i mekem olketa safa fo spoelem laef blong olketa, bat hemi spoelem finis olketa nogud pipol.

Sams 149:4

Yawe hemi hapi tumas long yumi olketa pipol blong hem. Hemi haemapem yumi hu i lou, an hemi mekem yumi fo winim olketa enemi.

Sams 25:9

Hemi gohed fo lidim olketa pipol wea i hambol long stretfala wei, an hemi gohed fo tisim olketa, long wei blong hem.

Sams 45:13

Woman ya wea bae hemi maritim king, hemi barava naesbola fogud. Kaleko blong hem, olketa wakem long gol koton, an hemi garem plande kala long hem. Hemi werem disfala naes kaleko ya, an olketa tekem hem go nao long king insaet long haos blong hem, an olketa gele fo go wetem hem long marit i go bihaen long hem nao.

Sams 51:6

Bat yu laekem tumas fo man hemi barava toktru olowe. Plis yu fulumapem maen blong mi long waes blong yu.

Aesaea 11:4

bat bae hemi jajem kot blong olketa pua pipol long stretfala wei. Ya, bae hemi meksua long kot wea olketa ya i tekembaek wanem hemi blong olketa. Long paoa long toktok blong hem bae hemi panisim olketa pipol long wol. An taem hemi tok nomoa bae olketa nogud pipol ya i dae nao.

Aesaea 29:19

An olketa pua pipol hu i no garem biknem, bae i hapi tumas an selebret bikos Yawe nao hemi Holi God blong Israel.

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Aesaea 61:1

Wakaman blong Yawe hemi tok olsem, “Spirit blong Lod Yawe hemi stap wetem mi, bikos hemi siusim mi finis fo talemaot gudnius long olketa pua pipol. Hemi sendem mi fo finisim sore wea hemi save stap insaet long haat blong pipol. Hemi sendem mi fo talemaot long olketa hu i stap long prisin an olketa hu i waka olsem slev, dat bae olketa fri nao.

Jeremaea 51:59

Profet Jeremaea hemi sendem mesij go long Babilonia. Hemi givim mesij ya long Seraea, san blong Neraea hu hemi san blong Maasea. Seraea ya hemi wanfala man blong King Sedekaea. Long mekfoa yia wea King Sedekaea hemi rul ovarem Jiuda, Seraea hemi mekredi fo go long Babilonia wetem king ya.

Matiu 11:29

Yufala kam fo falom tising blong mi an letem mi lanem yufala, bikos mi ya, mi no save raf an mi no haemapem mi seleva. An bae yufala save faendem ples fo res long laef blong yufala ya.

Matiu 21:5

“Talem olsem long olketa pipol long Saeon ‘Lukim, King blong yufala ya hemi kam long yufala nao. Hemi mekem hem seleva fo lou, wea hemi sidaon antap long wanfala dongki nomoa. Wanfala yang dongki nao hemi raed kam long hem.’”

Matiu 23:26

!Yufala olketa Farasi, yufala blaen fogud ya! Yufala mas klinim insaet long kap fastaem ya. Sapos olsem, bae aotsaet hemi klin tu ya.

Matiu 5:5

Olketa hu i mekem olketa seleva fo lou, olketa save hapi ya, bikos bae olketa garem evri gud samting wea God hemi promis fo givim.

Gudnius abaotem Jisas Kraes wea Luk hemi raetem 11:40

Yufala barava krangge tumas ya. ?Waswe, yufala tingse God hu hemi bin mekem aotsaet hemi no mekem insaet tu?

Gudnius abaotem Jisas Kraes wea Luk hemi raetem 16:15

So Jisas hemi talem olketa olsem, “Yufala save traehad fo mekem olketa pipol fo tinghae long yufala, bat God hemi save nomoa long maen blong yufala. Bikos wanem yufala olketa pipol i tingse hemi bikfala samting tumas, long ae blong God hemi olsem samting nating nomoa ya.”

Leta wea Pol hemi raetem go long sios long Rom 1:23

Olketa lusim finis disfala wei fo mekhae long God hu hemi laef olowe. An olketa wakem olketa kaving wea i luk olsem man, an olketa wakem olketa kaving wea i luk olsem bed an snek an enikaen animol moa, an gohed fo wosipim olketa.

Leta wea Pol hemi raetem go long sios long Rom 2:29

Barava man blong Jiu nao, hemi mas Jiu insaet long maen blong hem, an hemi minim haat blong man ya hemi sens. Diswan hemi no kamaot long Lo long Buk, bat Spirit blong God nao hemi duim diswan. An God nao hemi tokhae long man olsem, bat olketa pipol no tokhae long man ya.

Leta wea Pol hemi raetem go long sios long Rom 6:6

Yumi save, hemi olsem olketa nilam olfala laef blong yumi long kros wetem Kraes nao, mekem God hemi finisim paoa blong sin wea hemi stap long olfala laef blong yumi. Long wei ya nao sin hemi no save gohed fo bosim yumi.

Leta wea Pol hemi raetem go long sios long Rom 7:22

Barava insaet long tingting blong mi, mi hapi long Lo blong God nomoa.

2 Korin 10:1

Samfala man sei mi hambol tumas taem mi stap wetem yufala an mi save raf nomoa taem mi stap farawe from yufala. Nao Kraes hemi kaen an hemi no raf,

2 Korin 4:16

Dastawe mifala no givap long waka. Nomata bodi blong mifala hemi go-go fo dae, bat tru laef blong mifala hemi gohed fo kamap niu moa evri de.

Galesia 5:23

an fo no raf, an fo stopem wanem bodi blong hem seleva nomoa hemi laekem. No eni toktok long Lo hemi agensim olketa samting olsem ya.

Efesas 4:2

Oltaem yufala mas hambol, an yufala mas no raf long eniwan, an yufala mas wiling fo weit nomoa. Yufala mas somaot lav blong yufala long wei wea yufala no kros tumas long nara man taem hemi duim rong samting.

Kolosi 3:12

Yufala ya, God hemi siusim yufala finis an yufala i olketa pipol blong hem wea hemi barava lavem yufala tumas. Olsem, yufala mas sore an kaen tumas long olketa pipol. An yufala mas hambol an wei blong yufala hemi mas no raf, an yufala mas no kuiktaem fo kros long nara pipol.

Kolosi 3:3

Bikos hemi olsem yufala bin dae finis ya, an tru laef blong yufala wetem Kraes hemi staphaed yet, wea hemi stap long God.

1 Tesalonaeka 4:11

Yufala mas traehad fo stap stret, an gohed nomoa long waka blong yufala seleva an no spoelem waka blong nara man. Yufala mas wakahad fo garem olketa samting yufala nidim, olsem mifala bin talem yufala bifoa.

2 Tesalonaeka 3:12

So long nem blong Jisas Kraes Masta blong yumi, mifala tokstrong go long olketa ya. Olketa mas stap long gudfala wei an olketa mas wakahad fo garem kaikai blong olketa seleva.

1 Timoti 2:2

An olketa mas prea long God, mekem hemi helpem olketa king an evri bikman. Sapos olsem, bae yumi save stap kuaet gudfala an falom gudfala wei blong God an stapgud wetem olketa nara pipol.

2 Timoti 2:25

An hemi mas save hao fo stretem olketa pipol hu i agensim tising blong hem. Sapos hemi duim olsem long isi wei nomoa, maet God bae hemi save helpem olketa fo sensim tingting blong olketa, mekem bae olketa savegud long barava tru toktok.

Taetas 3:2

An olketa mas no tok nogud agensim eniwan, an mas no raoa. Bat olketa mas kaen an frengud long evriwan.

Jemes 1:21

So yufala mas no olobaot moa, an yufala mas no gohed moa long evri ravis wei. Bat yufala mas hambol an wiling fo obeim toktok wea God hemi putum insaet long tingting blong yufala. Disfala toktok nao save sevem yufala.

1 Pita 1:23

Toktok blong God hemi garem laef an hemi save stap olowe. Disfala toktok, hemi helpem yufala fo bon moa long niu laef. Long laef ya, Dadi blong yufala hemi no save dae bat hemi stap evritaem an olowe.

1 Pita 3:15

Bat hemi gud fo yufala mekem Kraes hemi Masta long laef blong yufala. An evritaem, yufala mas redi fo givim gudfala ansa long olketa pipol hu i ask abaotem disfala wei blong yufala fo trastem Kraes.

1 Samuel 16:7

Bat Yawe hemi tok olsem long hem, “Yu no tingabaotem hem, nomata hemi tolfala man an hemi luknaes. Mi no laekem hem, bikos wei blong mi fo lukluk long pipol hemi no olsem wei blong man. Man hemi lukluk long bodi nomoa, bat mi Yawe mi lukluk insaet long haat blong hem.”