1 Korin 9:9 - Pijin Bible

⁹ Ya, Mosis hemi raetem olsem, “Yufala mas no taemapem maos blong buluka taem hemi gohed fo wakabaot antap long wit fo aotem frut blong hem.” ?So waswe, olketa buluka nao God hemi tinghevi long olketa?

Pijin Deuterocanon

⁹ Ya, Mosis hemi raetem olsem, “Yufala mas no taemapem maos blong buluka taem hemi gohed fo wakabaot antap long wit fo aotem frut blong hem.” ?So waswe, olketa buluka nao God hemi tinghevi long olketa?

1 Korin 9:9 Iomraidhean Croise

Sams 104:27

Taem evrisamting ya i hanggre, olketa luk go long yu fo kaikai.

Provebs 12:10

Gudfala man hemi lukaftarem olketa animol blong hem. Nogud man hemi mekem olketa safa.

Aesaea 28:28

Man ya hemi mas mekem flaoa from wit fo mekem bred, bat hemi mas no gohed fo krasim wit ya go-go hemi samting nating. Ya, hemi laek fo groum gudfala kaikai, bat hemi no laek fo spoelem bifoa hemi save kaikaim.

Jona 4:11

Tri ya wea yu sore long hem, hemi smolfala tumas. Bat disfala taon long Nineve hemi bikfala tumas, an winim 120,000 pipol nao i stap long hem. Tingting blong olketa hemi olsem nomoa smolfala pikinini hu hemi no save yet wanem hemi gud o wanem hemi nogud, an plande animol tu i stap long ples ya. ?Waswe, yu barava tingse hemi no fitim fo mi sore long olketa ya?”

Leta wea Pol hemi raetem go long sios long Rom 4:23

Disfala toktok ya, “hemi lukim hem olsem stretfala man,” hemi no fo Ebraham nomoa,

Diutronomi 25:4

“Sapos yufala tekem kam buluka fo hemi wakabaot long hed blong wit fo klinimaot olketa sid blong wit ya, yufala mas no satem maos blong hem, yufala mas letem hemi kaikaim samfala long olketa wit ya.”

Diutronomi 5:14

bat long mekseven de, hemi Sabat de, an hemi de fo onarem mi Yawe, God blong yufala. Long de ya, bae yufala mas no waka long hem. Yufala, wetem olketa pikinini blong yufala, an olketa slev blong yufala, an olketa animol blong yufala, an olketa strensa hu i stap long ples blong yufala, bae yufala evriwan mas no waka long de ya. Long wei olsem olketa slev blong yufala olketa save res tu olsem yufala nomoa.

1 Timoti 5:18

Bikos Buktambu hemi sei, “Sapos yufala tekem kam buluka fo hemi wakabaot long hed blong wit fo klinimaot olketa sid blong wit ya, yufala mas no satem maos blong hem, yufala mas letem hemi kaikaim samfala long olketa wit ya.” An Buktambu hemi sei tu, “Man wea hemi waka, hemi fitim fo hemi tekem pei blong hem.”