1 Korin 8:9 - Pijin Bible

⁹ Nomata olsem, yufala mas lukaot ya, nogud disfala samting wea yufala fit fo duim, hemi mekem olketa hu i no biliv strong yet fo olketa foldaon long sin.

Pijin Deuterocanon

⁹ Nomata olsem, yufala mas lukaot ya, nogud disfala samting wea yufala fit fo duim, hemi mekem olketa hu i no biliv strong yet fo olketa foldaon long sin.

1 Korin 8:9 Iomraidhean Croise

Aesaea 35:3

Sapos han blong yufala hemi no strong, an sapos lek blong yufala hemi wik, yufala mas mekem olketa fo kamap strong moa.

Aesaea 57:14

Bae pipol i herem olketa toktok blong Yawe wea hemi olsem, “!Olketa pipol! Yufala mas redim disfala rod mekem olketa pipol blong mi save kambaek moa long mi. Yufala mas tekemaot olketa samting wea hemi stopem olketa fo no kam long mi.”

Esikiel 14:3

“Man blong graon. Olketa pipol ya i gohed nao fo wosipim olketa ravis kaving, an hemi lidim olketa finis fo foldaon long sin. ?Waswe, hemi gud fo mi letem olketa kam long mi fo faendemaot enisamting? Nomoa. Mi les long olketa.

Esikiel 44:12

Bat bikos olketa lidim olketa pipol blong Israel fo go krangge from mi, an wosipim olketa ravis kaving, an lidim olketa long sin, mi mekem strongfala promis wea bae mi barava panisim olketa.

Levitikas 19:14

An yufala mas no talem toktok fo mekem trabol i kasem man wea iapas, an yufala mas no mekem eni blaen man fo hemi foldaon, bikos mi nao Yawe, God blong yufala, an yufala mas barava tinghae long mi.

Matiu 18:10

An Jisas hemi sei moa, “Yufala mas lukaot, nogud yufala lukdaon long eniwan long olketa smolfala pikinini ya. Mi talem long yufala, olketa enjel blong olketa i stap wetem Dadi blong mi long heven.

Leta wea Pol hemi raetem go long sios long Rom 15:1

Hemi gud fo yumi hu i strong long biliv, fo yumi helpem olketa pipol hu i no strong. Yumi mas helpem olketa long wari blong olketa, an yumi mas no duim nomoa olketa samting wea yumi seleva laekem.

1 Korin 10:24

So nogud eniwan hemi tingim hem seleva nomoa. Yumi ya, yumi mas tingim olketa nara pipol fo helpem olketa.

1 Korin 10:28

Bat sapos eniwan hemi talem yufala olsem, “Disfala mit olketa bin sakrifaesim long laea god ya,” olsem, yufala mas tingim disfala man nomoa, mekem yufala no kaikaim mit nao ya.

1 Korin 10:29

Long tingting blong yu hemi oraet nomoa, bat tingting blong nara man ya nao yufala mas no spoelem. Maet samwan hemi sei olsem, “?Waswe nao tingting blong nara man hemi stopem mi fo no duim wanem mi fri nomoa fo duim?

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

1 Korin 8:10

Yu nao yu garem diskaen “save” ya. ?Bat waswe nao sapos wanfala man wea tingting blong hem hemi no strong, hemi lukim yu long taem yu gohed fo kaikai nomoa long Tambuhaos blong laea god? !Bae yu nao yu mekem hem fo stat fo kaikaim moa disfala mit wea olketa sakrifaesim long olketa laea god ya!

1 Korin 8:12

Long disfala wei wea yufala save duim wanem hemi rong long olketa Kristin fren blong yufala an yufala save spoelem tingting blong olketa wea olketa no strong, yufala duim wanem hemi rong long Kraes nao ya.

1 Korin 9:22

Taem mi stap wetem olketa wea biliv blong olketa hemi no strong, mi stap olsem wea biliv blong mi hemi no strong tu, mekem mi save helpem olketa fo biliv. So mi stap falom enikaen wei blong olketa pipol, fo traem evri rod nomoa fo mekem mi save helpem samfala fo kasem tru laef.

2 Korin 11:21

!Mi hapi fo talem dat mifala nating duim olketa ravis samting olsem long yufala! Nao bae mi tokpraod long olketa samting wea olketa nara man save tokpraod tumas long hem, nomata mi tok olsem krangge man.

2 Korin 11:29

Taem eniwan hemi wik, mi tu mi wik. An taem eniwan hemi foldaon long sin, mi barava filnogud tumas.

2 Korin 6:3

Mifala trae fo no mekem enisamting wea hemi save spoelem tingting blong eniwan, bikos mifala no laekem eniwan fo tok agensim waka wea mifala duim.

Galesia 5:13

Olketa Kristin fren, hemi tru wea God hemi kolem yufala fo stap fri. Bat nogud yufala tingse yufala fri fo falom wei blong sin nao. Nomoa. Yufala mas helpem evriwan gudfala bikos yufala save lavem yufala evriwan ya.

Kolosi 2:8

An yufala mas lukaot gud, nogud eniwan hemi kam an trikim yufala long ravis stori ya wea hemi barava tingting blong man nomoa. Olketa toktok olsem, olketa no kamaot long Kraes ya, bat olketa kamaot nomoa long olketa stori blong olketa olo an long olketa enikaen paoa long wol.

1 Pita 2:16

Yufala mas stap olsem olketa pipol hu i barava fri. Bat nogud yufala tingse dat bikos yufala fri, yufala save duim nomoa olketa ravis samting. Nomoa ya. Yufala mas stap olsem olketa gudfala wakaman blong God.

2 Pita 2:19

Olketa laea tisa promisim olketa pipol dat bae olketa save fri. Bat olketa seleva ya i nating fri nomoa. Olketa i slev nao long wei wea olketa save spoelem olketa seleva long hem. Yu save, taem samting hemi winim man, man ya hemi slev nao long disfala samting.

Revelesin 2:14

‘Bat samfala samting nomoa mi no laekem long yufala. Samfala pipol long yufala, olketa gohed fo falom nomoa tising blong profet Balam, wea bifoa hemi tisim King Balak abaotem wei fo trikim pipol blong Israel fo foldaon long sin. Hemi mekem olketa kaikaim mit wea olketa bin sakrifaesim finis long laea god, an hemi mekem olketa fo durong wetem olketa woman.