1 Korin 7:9 - Pijin Bible

⁹ Bat sapos yufala faendem had tumas fo stap seleva, moabeta yufala marit. Wei blong marit nao hemi gudfala winim diskaen wei wea man hemi la-laekem tumas fo slip wetem woman.

Pijin Deuterocanon

⁹ Bat sapos yufala faendem had tumas fo stap seleva, moabeta yufala marit. Wei blong marit nao hemi gudfala winim diskaen wei wea man hemi la-laekem tumas fo slip wetem woman.

1 Korin 7:9 Iomraidhean Croise

Aposol 19:36

Hemi had tumas fo eniwan hemi talem diswan hemi no tru ya. So yufala mas stap kuaet nomoa, an no duim enisamting wea hemi nogud tumas moa.

1 Korin 7:2

Bat bikos plande pipol tumas olketa i olobaot nomoa, hemi moabeta fo evri man hemi garem waef blong hem seleva, an fo evri woman hemi garem hasban blong hem seleva nomoa.

1 Korin 7:28

Bat nomata olsem, sapos yu gohed fo marit, hemi no rong. An sapos wanfala singgol woman hemi gohed fo marit, hemi no rong. Bat olketa pipol hu i marit olketa save kasem plande trabol long disfala wol, an mi no laekem diswan fo kasem yufala.

1 Korin 7:36

Nao sapos wanfala boe wetem wanfala gele tufala stap wea olketa mektambu long tufala fo marit, bat tufala sei hemi moabeta sapos tufala i no marit. Bat sapos boe ya hemi tingim moa bihaen wea wanem hemi duim hemi no stret, an hemi laekem tumas fo maritim gele ya, oraet, hemi gud nomoa fo tufala i marit. Diswan hemi no rong ya.

1 Korin 7:39

Wanfala woman hu hemi marit finis hemi mas stap olowe wetem hasban blong hem. Bat sapos hasban blong hem hemi dae finis, bae hemi save maritim eniwan wea hemi laekem, sapos disfala man hemi wanfala Kristin.

1 Tesalonaeka 4:4

Yufala evriwan mas lukaftarem waef blong yufala long wei wea hemi gud an stret falom wei blong God.

1 Timoti 5:11

Bat yu mas no raetemdaon nem blong olketa wido woman wea olketa yangfala yet. Bikos taem bodi blong olketa barava laekem tumas fo marit winim tingting blong olketa fo Jisas, bae olketa laek fo marit moa.

1 Timoti 5:14

Dastawe nao mi laekem olketa yangfala wido woman fo olketa marit moa, mekem olketa save garem pikinini an lukaftarem haos blong olketa seleva. Sapos olketa duim olsem, bae olketa enemi blong yumi i no save faendem eni wei fo tokdaonem yumi.