1 Korin 6:3 - Pijin Bible

³ ?Waswe, yufala no save nomoa dat yumi bae jajem olketa enjel tu? So sapos olsem ya, olketa samting long distaem hemi smolfala samting nomoa fo stretem ya.

Pijin Deuterocanon

³ ?Waswe, yufala no save nomoa dat yumi bae jajem olketa enjel tu? So sapos olsem ya, olketa samting long distaem hemi smolfala samting nomoa fo stretem ya.

1 Korin 6:3 Iomraidhean Croise

Daniel 7:22

Bat Man hu hemi bin stap kam fo evritaem olowe, hemi jajem smolfala hon ya an sei wea hemi mas lus. God ya hu hemi barava hae tumas, hemi mekem olketa pipol blong hem fo rul ovarem kingdom blong hem.

Matiu 25:41

“Bihaen moa, bae mi tok olsem long olketa pipol hu olketa stap long lefsaet blong mi, ‘Yufala wea God bae hemi panisim yufala, yufala goawe from mi. Ples blong yufala nao hemi longwe insaet long faea wea hemi no save finis ya, wea God hemi mekredi fo Seitan an olketa enjel blong hem.

Gudnius abaotem Jisas Kraes wea Luk hemi raetem 21:34

An Jisas hemi sei moa, “Yufala mas lukaot, nogud yufala gohed nomoa fo kaikai an dring an wari nomoa abaotem olketa samting long disfala laef. Nogud yufala seknomoa long de wea olketa samting ya hemi kasem yufala,

Gudnius abaotem Jisas Kraes wea Luk hemi raetem 8:14

An olketa sid wea olketa foldaon long ples wea rut blong nilagras hemi stap long hem nao, hemi olsem taem olketa pipol herem toktok ya, bat olketa wari tumas nomoa abaotem enikaen samting. An olketa lavem tu olketa risis long disfala wol, an enikaen samting moa fo mekem olketa hapi. So toktok ya hemi no save garem eni frut long hem nomoa.

Leta wea Pol hemi raetem go long sios long Rom 6:16

Yufala save finis, taem yufala mekem yufala seleva fo obeim eniwan, bae hemi bosim yufala ya. Sapos yufala stap olsem wakaman blong sin, bae hemi mekem yufala fo dae. Sapos yufala stap olsem wakaman blong God fo obeim hem, bae hemi mekem yufala stret long ae blong hem.

1 Korin 6:15

Yufala save nomoa dat olketa bodi blong yufala olketa stap joen wetem bodi blong Kraes ya. ?So waswe, mi save tekem wanfala haf long bodi blong Kraes an joenem go wetem wanfala juri? !Had ya!

1 Korin 6:16

?Waswe, yufala no save dat taem eniwan hemi slip wetem wanfala juri, bae tufala kamap wanfala bodi nao? Buktambu hemi talem klia olsem, “Bae tufala kamap wanfala bodi nomoa.”

1 Korin 6:19

?Waswe, yufala no save dat bodi blong yufala hemi Tambuhaos blong Holi Spirit? God hemi givim kam Holi Spirit long yufala an hemi stap insaet long yufala. Yufala i no blong yufala seleva,

1 Korin 6:4

Bat taem olketa trabol ya i kamap, yufala save tekem go nomoa long olketa pipol wea yufala long sios yufala save lukdaon long laef blong olketa.

2 Timoti 2:4

Sapos wanfala soldia hemi laek fo mekem komanda blong hem fo hapi long waka blong hem, hemi nogud fo hemi gohed long bisnis blong hem seleva.

2 Timoti 4:10

Yu save, Dimas hemi lusim mi nao, bikos hemi lavem tumas wei blong disfala wol, an hemi go finis long Tesalonaeka. An Kresens hemi go finis long Galesia, an Taetas hemi go finis long Dalmesia.

2 Pita 2:4

Bifoa, taem olketa enjel agensim toktok blong God, God hemi panisim olketa an hemi raosim olketa fo go long hel. Long ples ya nao God hemi putum sen long olketa an putum olketa insaet long ples wea hemi barava tudak. Bae olketa stap long ples ya go-go kasem taem wea God bae hemi jajem evriwan.

Jiud 1:6

An yufala tingim tu olketa enjel wea God hemi givim bikfala paoa long olketa. Bat samfala long olketa i les fo duim waka wea hemi givim olketa, an olketa lusim gudfala ples blong olketa. So God hemi taengem olketa long sen wea hemi no save brek long enitaem, an hemi putum olketa stap insaet long ples wea hemi barava tudak tumas. An bae olketa stap long ples ya go-go kasem taem blong bikfala De wea God bae hemi jajem evriwan.