1 Korin 5:4 - Pijin Bible

⁴ Mi bin jajem hem long nem blong Jisas Masta blong yumi. Nao yufala ya, bae yufala mas hipap tugeta, wea tingting blong mi hemi stap wetem yufala, an paoa blong Jisas Masta blong yumi, hemi stap wetem yumi.

Pijin Deuterocanon

⁴ Mi bin jajem hem long nem blong Jisas Masta blong yumi. Nao yufala ya, bae yufala mas hipap tugeta, wea tingting blong mi hemi stap wetem yufala, an paoa blong Jisas Masta blong yumi, hemi stap wetem yumi.

1 Korin 5:4 Iomraidhean Croise

Matiu 16:19

Bae mi givim yu olketa ki blong disfala kingdom long Heven. So wanem yu stopem long disfala wol, God hemi stopem tu, an wanem yu letem long disfala wol, God hemi letem tu.”

Matiu 18:20

Bae hemi duim diswan, bikos taem tu-tri pipol olketa hipap tugeta long nem blong mi, mi nao mi stap wetem olketa.”

Matiu 28:18

Long taem ya, Jisas hemi kam kolsap long olketa an hemi tok olsem, “God hemi givim finis evri paoa long mi ovarem evrisamting long heven an long disfala wol.

Matiu 28:20

An yufala mas tisim olketa fo falom evrisamting wea mi bin talem long yufala. An bae mi nao mi stap wetem yufala olowe go-go kasem en long wol.”

Gudnius abaotem Jisas Kraes wea Jon hemi raetem 20:23

Eniwan wea yufala fogivim from sin blong hem, God hemi fogivim hem nao. Bat eniwan wea yufala no fogivim hem, God hemi no fogivim hem tu.”

Aposol 16:18

Plande de nao, gele ya hemi du-duim semsamting nomoa, go-go Pol hemi barava les fo herem diswan. So hemi taneraon an hemi tok olsem go long disfala devol ya, “!Long nem blong Jisas Kraes mi talem yu stret, yu mas lusim gele ya nao!” An long semtaem nomoa, devol ya hemi lusim gele ya nao.

Aposol 3:6

Bat Pita hemi sei moa long hem, “Mi no garem eni seleni ya. Bat narasamting nao mi garem, hem nao bae mi givim long yu. Mi talem yu long nem blong Jisas Kraes blong Nasaret, yu stanap an yu wakabaot go.”

Aposol 4:30

Yu mas somaot kam paoa blong yu an mekem olketa sikman fo kamap gudbaek moa, an yu mas mekem olketa mirakol an olketa saen tu fo hapen long nem blong Jisas, disfala Holi Wakaman blong yu.”

2 Korin 13:10

Dastawe mi raetem go disfala leta taem mi no stap wetem yufala yet. Bikos taem bae mi go kasem yufala, mi no laek fo hatem yufala long wei wea mi mas yusim disfala paoa blong Masta. Paoa ya hemi givim long mi, mekem mi save strongim biliv blong yufala, an no fo spoelem yufala.

2 Korin 13:3

Bae mi duim olsem, mekem yufala barava luksave dat Kraes nao hemi yusim mi fo talemaot toktok blong hem. An bae hemi no save wik taem hemi stretem yufala. Nomoa. Bae hemi somaot bikfala paoa blong hem long yufala.

2 Korin 2:6

Hemi naf nao bikos plande long yufala panisim hem finis.

Efesas 5:20

Oltaem, yufala mas talem tengkiu long God Dadi ya fo evrisamting, long nem blong Jisas Kraes Masta blong yumi.

Kolosi 3:17

Evrisamting wea yufala duim an evri toktok wea yufala talem, hemi gud fo yufala mas duim long nem blong Jisas Masta blong yumi. An long Kraes nao yufala save talem tengkiu long God Dadi blong yumi.

2 Tesalonaeka 3:6

Olketa Kristin fren, long nem blong Jisas Kraes Masta blong yumi, mifala tokstrong go long yufala ya. Yufala mas no joen wetem olketa Kristin hu i les tumas fo duim waka an olketa no falom olketa toktok wea mifala talem finis long yufala.

Josua 22:15

Taem olketa kasem Gilead, olketa tok wetem olketa long traeb blong Ruben, an traeb blong Gad, an olketa long haf long traeb blong Manase wea i stap long ist saet long ples ya.