1 Korin 13:1 - Pijin Bible

¹ Nomata mi save toktok long olketa deferen langguis blong olketa pipol an long langguis blong olketa enjel tu, bat sapos mi no save lavem olketa pipol, mi olsem nomoa wanfala belo o pis aean wea olketa hamarem fo meknoes long hem.

Pijin Deuterocanon

¹ Nomata mi save toktok long olketa deferen langguis blong olketa pipol an long langguis blong olketa enjel tu, bat sapos mi no save lavem olketa pipol, mi olsem nomoa wanfala belo o pis aean wea olketa hamarem fo meknoes long hem.

1 Korin 13:1 Iomraidhean Croise

Sams 150:5

Yumi preisim hem long olketa simbol wea hemi save mekem bikfala noes.

Matiu 25:45

An long taem ya, bae mi ansarem olketa olsem, ‘Mi talem yufala tru samting nao, taem yufala no duim enisamting fo helpem eniwan long olketa pipol hu olketa lou tumas ya, yufala no duim enisamting fo helpem mi nao ya.’

Gudnius abaotem Jisas Kraes wea Mak hemi raetem 16:17

An olketa pipol hu i biliv, bae God hemi givim paoa long olketa, mekem olketa save mekem olketa mirakol. Bae olketa save raosim olketa devol long nem blong mi, an bae olketa save toktok tu long enikaen langguis nomoa.

Leta wea Pol hemi raetem go long sios long Rom 14:15

Sapos yufala mekem Kristin fren blong yufala filnogud long wanem yufala kaikaim, hemi minim yufala no falom wei blong lav. Kraes hemi dae tu fo sevem Kristin fren ya, so yufala mas no spoelem hem long wanem yufala kaikaim.

1 Korin 12:10

an long samfala pipol moa hemi givim paoa fo mekem olketa mirakol. Long samfala pipol Holi Spirit hemi givim paoa fo talemaot eni mesij blong God, an long samfala pipol moa hemi givim paoa fo luksave long olketa deferen kaen paoa, sapos olketa blong God o nomoa. Long samfala pipol Holi Spirit hemi givim paoa fo toktok long olketa spesol kaen langguis ya, an long samfala pipol moa hemi givim paoa fo talemaot mining blong olketa kaen langguis olsem.

1 Korin 12:16

An sapos yia hemi sei, “Mi no olsem ae, so mi no blong bodi nao ya,” nomata olsem, hemi barava stap joen wetem bodi ya.

1 Korin 12:8

Disfala Holi Spirit ya nomoa hemi givim spesol paoa long samfala pipol fo talemaot waes toktok, an long samfala pipol moa hemi givim paoa fo talemaot toktok wea hemi somaot bikfala save tumas.

1 Korin 13:8

Lav hemi no save finis enitaem. Bat paoa fo talemaot mesij blong God bae hemi finis, an paoa fo toktok long olketa spesol kaen langguis bae hemi finis, an paoa fo garem bikfala save bae hemi finis tu.

1 Korin 14:2

Eniwan hu hemi toktok long olketa spesol kaen langguis, hemi no toktok go long olketa pipol bat hemi toktok go long God. No eni man i save long toktok ya, bikos Holi Spirit nao hemi givim paoa long hem fo talem olketa samting wea hemi staphaed nomoa.

1 Korin 14:4

Eniwan hu hemi toktok long olketa spesol kaen langguis, hemi save helpem biliv blong hem seleva nomoa. Bat eniwan hu hemi talemaot mesij blong God, hemi save helpem biliv blong evriwan long sios nao.

1 Korin 14:5

Mi laekem yufala evriwan fo toktok long olketa spesol kaen langguis, bat mi laekem tumas moa fo yufala garem paoa fo talemaot mesij blong God. Bikos, sapos no eniwan hemi talemaot mining blong disfala spesol kaen langguis, bae diswan hemi no save helpem olketa long sios ya nao. Olsem, paoa fo talemaot olketa mesij blong God nao hemi gudfala moa.

1 Korin 8:1

Nao mi laek toktok abaotem mit wea olketa bin sakrifaesim go long olketa laea god. Hemi tru wea samfala pipol olketa sei, “Yumi evriwan garem save.” Bat diskaen save hemi mekem man fo praod nomoa, bat lav nao hemi save mekem biliv blong yumi fo kamap strong.

Galesia 5:22

Bat olketa gudfala wei blong Holi Spirit nao hemi mekem man fo lavem evriwan, an fo barava hapi, an fo garem piis, an fo stap wiling fo weit nomoa, an fo kaen long pipol, an fo somaot gudfala wei, an fo kipim promis olowe,

Galesia 5:6

Bikos taem eniwan hemi joen finis wetem Jisas Kraes, sapos man hemi kate o hemi no kate hemi samting nating nomoa ya. Bat bikfala samting nao hemi wei blong biliv wea hemi soaot long lav.

1 Timoti 1:5

Nao sapos olketa falom disfala toktok blong mi ya, bae olketa save garem lav wea hemi kamaot long klin an stretfala laef an long barava trufala biliv.

1 Pita 4:8

Wanfala samting yufala mas duim wea hemi impoten winim evri narasamting, hemi fo lavem yufala evriwan long gudfala wei. Bikos disfala wei fo lavem evriwan, hemi save mekem yufala fo fogivim yufala evriwan tu.

2 Pita 2:18

Olketa gohed fo talem olketa praod toktok wea hemi krangge tumas. Olketa gohed fo toksuit mekem olketa pipol wande duim olketa samting blong wei blong sin. An from disfala wei nao, olketa save pulumbaek olketa pipol hu i trae fo lusim ravis wei blong olketa.

Revelesin 14:2

An mi herem wanfala saon long heven, wea hemi meknoes tumas olsem olketa bikfala wev an olketa bikfala tanda. An disfala saon ya hemi here olsem plande gita wea olketa gohed fo pleim.