1 Korin 12:2 - Pijin Bible

² Yufala save, taem yufala stap yet long wei blong olketa hu i no biliv long God, enikaen ravis samting nao i pulum yufala fo go falom olketa laea god wea i no garem eni laef long olketa.

Pijin Deuterocanon

² Yufala save, taem yufala stap yet long wei blong olketa hu i no biliv long God, enikaen ravis samting nao i pulum yufala fo go falom olketa laea god wea i no garem eni laef long olketa.

1 Korin 12:2 Iomraidhean Croise

Sams 115:5

Olketa god ya i garem maos, bat olketa nating save toktok. Olketa garem ae, bat olketa nating save lukluk.

Sams 115:7

Olketa garem han bat olketa nating save holem enisamting. Olketa garem lek, bat olketa nating save wakabaot. Ya, olketa no save mekem eni noes bikos olketa i no laef.

Sams 135:16

Olketa god ya i garem maos bat olketa no save toktok, an olketa garem ae bat olketa no save lukluk.

Aesaea 46:7

Olketa karim kaving god ya antap long solda blong olketa. Olketa stanemap long wanfala ples, an hemi stanap olowe long ples ya nao, bikos hemi no save muv seleva. An nomata eniwan hemi prea long god ya, bat hemi no save herem hem, an hemi no save helpem hem long taem blong trabol.

Jeremaea 10:5

Olketa kaving ya i olsem laea man nomoa, wea man hemi putum long gaden, fo ronemaot olketa bed. Olketa kanduit toktok, an man mas karim olketa go bikos olketa kanduit wakabaot. Yufala mas no fraetem olketa. Olketa kanduit spoelem yufala, an olketa kanduit helpem yufala tu.”

Matiu 15:14

So yufala no wari long olketa Farasi ya. Olketa trae fo lidim olketa blaen pipol, bat olketa seleva olketa blaen tu ya. An yufala save, sapos wanfala blaen man hemi lidim nara blaen man, bae tufala evriwan i foldaon insaet long hol nao ya.”

1 Korin 6:11

Long bifoa yet, samfala long yufala olketa stap olsem. Bat long nem blong Masta Jisas Kraes an long paoa blong Spirit blong God blong yumi, God hemi bin wasimaot olketa sin blong yufala an hemi bin mekem yufala kamap olketa pipol blong hem an hemi bin mekem yufala fo kamap stret finis long ae blong hem.

Galesia 4:8

Bifoa, taem yufala no savegud long God yet, yufala wakaman blong olketa samting wea i no tru god.

1 Tesalonaeka 1:9

bikos olketa pipol ya i tokabaotem finis olketa samting wea hemi hapen taem mifala kasem yufala bifoa. Olketa tokabaotem hao yufala lusim olketa laea god fo falom tru God, an hao yufala kamap wakaman blong God hu hemi laef.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.

1 Pita 1:18

Yufala save finis hao God hemi peimaot yufala from ravis laef wea yufala falom from olketa olo blong yufala bifoa. Hemi no peimaot yufala long samting wea hemi save nogud nomoa olsem silva an gol.

1 Pita 4:3

Plande taem finis, yufala bin falom wei blong olketa pipol hu i no biliv long God. Olketa ya nao i laek fo durong wetem eniwan nomoa, an olketa laekem tumas olketa nogud samting. An olketa gohed fo drang tumas, an mekem olketa bikfala fist fo kaikai an dring tumas an fo duim olketa samting wea hemi barava nogud. An olketa gohed tu fo wosipim olketa laea god.