1 Korin 11:6 - Pijin Bible

⁶ Sapos wanfala woman hemi no kavarem hed blong hem, moabeta hemi katemsot hea blong hem nao. Bat sapos woman hemi katemsot o katemaot evri hea blong hem, bae hemi filsem tumas ya. So woman ya hemi mas kavarem hed blong hem nao.

Pijin Deuterocanon

⁶ Sapos wanfala woman hemi no kavarem hed blong hem, moabeta hemi katemsot hea blong hem nao. Bat sapos woman hemi katemsot o katemaot evri hea blong hem, bae hemi filsem tumas ya. So woman ya hemi mas kavarem hed blong hem nao.

1 Korin 11:6 Iomraidhean Croise

Nambas 5:18

Hemi mas aotem enisamting from hea blong woman. Den hemi mas mekem disfala woman holem ofaring long flaoa bikos man hemi joles an hemi laek fo faendemaot wanem hemi tru. An prist hemi mas holem disfala wata wea hemi save spoelem laef blong eniwan hu i no stret.

Aposol 18:18

Nao Pol hemi stap fo lelebet longtaem wetem olketa Kristin long Korin, an bihaen, hemi wakabaot go kasem taon long Senggria. An taem hemi katemsot hea blong hem finis fo makem wanfala promis wea hemi bin mekem, hemi go moa long wanfala sip an hemi stat fo sel gobaek long Siria. An taem ya, Prisila an Akuila tu tufala go wetem hem.

1 Korin 11:5

Bat sapos wanfala woman hemi no kavarem hed blong hem taem hemi prea o talemaot mesij blong God, hemi daonem hasban blong hem nao. Hemi wankaen wetem woman wea olketa katemaot evri hea blong hem finis.

1 Korin 11:7

Man nao hemi mas no kavarem hed blong hem, bikos man nao hemi tekem wei blong God an hemi olsem God, an saen blong paoa blong God hemi soaot long hem. Bat long woman ya, saen blong paoa blong hasban blong hem nao hemi soaot long hem.

Diutronomi 22:5

“Olketa woman mas no werem kaleko blong man, an olketa man mas no werem kaleko blong woman. Yawe, God blong yufala, hemi barava les long eniwan wea hemi duim disfala samting.