1 Jon 5:3 - Pijin Bible

³ Sapos yumi lavem God, diswan hemi minim wea yumi obeim olketa lo blong hem. An olketa lo blong hem i no had tumas fo obeim,

Pijin Deuterocanon

³ Sapos yumi lavem God, diswan hemi minim wea yumi obeim olketa lo blong hem. An olketa lo blong hem i no had tumas fo obeim,

1 Jon 5:3 Iomraidhean Croise

2 Kings 18:6

Hemi tinghevi nomoa long Yawe, an hemi obeim hem, an hemi falom olowe olketa lo wea hemi bin givim long Mosis bifoa.

Sams 119:140

!Mi laekem tumas promis blong yu, bikos promis ya hemi tru tumas!

Sams 119:45

An bae mi fri fogud, bikos mi falom olketa gudfala toktok blong yu.

Eksodas 20:6

Bat evriwan hu i lavem mi an obeim olketa lo blong mi, bae mi tinghevi long olketa, wetem olketa pikinini blong olketa an plande taosen pipol hu bae i kamaot bihaen long olketa.

Provebs 3:17

Olketa wei blong hem hemi naes tumas, an yu save falom hem fo kasem piis.

Maeka 6:8

Yawe hemi talemaot finis long yumi olketa gudfala samting wea hemi laekem tumas fo yumi duim. Yumi mas falom stretfala wei, an barava lavem pipol an tinghevi long olketa, an hambol an frengud wetem hem hu hemi God blong yumi.

Matiu 23:4

Hemi olsem olketa putum olketa hevi samting tumas antap long solda blong olketa pipol fo karim. Bat olketa seleva i nating helpem olketa pipol lelebet fo karim olketa hevi samting ya.

Gudnius abaotem Jisas Kraes wea Jon hemi raetem 14:15

“Sapos yufala lavem mi, bae yufala obeim olketa lo blong mi.

Gudnius abaotem Jisas Kraes wea Jon hemi raetem 15:10

Sapos yufala obeim olketa lo blong mi bae mi lavem yufala olowe, olsem mi obeim olketa lo blong Dadi blong mi an hemi lavem mi olowe tu.

Gudnius abaotem Jisas Kraes wea Jon hemi raetem 15:14

Yufala nao olketa fren blong mi ya, sapos yufala duim wanem mi talem long yufala.

Leta wea Pol hemi raetem go long sios long Rom 7:12

Nao Lo ya hemi holi, an evri toktok blong Lo hemi holi an stret an gudfala nomoa.

Leta wea Pol hemi raetem go long sios long Rom 7:22

Barava insaet long tingting blong mi, mi hapi long Lo blong God nomoa.

Diutronomi 5:10

Bat evriwan hu i lavem mi an obeim olketa lo blong mi, bae mi tinghevi long olketa, wetem olketa pikinini blong olketa an plande taosen pipol hu bae i kamaot bihaen long olketa.

Diutronomi 7:9

Yufala mas save dat Yawe, God blong yufala, hem nomoa hemi God, an hemi tinghevi long yufala. An hemi kipim disfala spesol agrimen blong hem, an hemi gohed fo lavem yufala hu i lavem hem an obeim olketa lo blong hem. Ya, taem yufala lavem an obeim hem, hemi save kipim agrimen wetem yufala an olketa pikinini blong yufala go-go-go kasem plande taosen yia.

Hibrus 8:10

Hem ya nao disfala niufala spesol agrimen wea bae mi mekem wetem olketa pipol blong Israel. Bae mi putum lo blong mi insaet long maen blong olketa, an bae mi raetemdaon long haat blong olketa. Bae mi nao God blong olketa, an bae olketa i kamap moa spesol pipol blong mi.

1 Jon 2:3

Sapos yumi obeim olketa lo blong God, hemi klia nomoa wea yumi savegud long hem finis.

2 Jon 1:6

An disfala lav, hemi minim wea yumi mas gohed olowe fo obeim olketa lo blong God. An disfala lo blong hem, hemi olsem yufala herem finis taem yufala stat fo biliv, wea yufala mas stap long wei blong lav.