1 Jon 4:16 - Pijin Bible

¹⁶ So yumi barava save nao dat God hemi lavem yumi, an yumi biliv wea diswan hemi tru. Lav hemi stat kam from God. So eniwan hu hemi somaot lav olowe, hemi man hu hemi stap joen wetem God, an God hemi stap joen wetem hem.

Pijin Deuterocanon

¹⁶ So yumi barava save nao dat God hemi lavem yumi, an yumi biliv wea diswan hemi tru. Lav hemi stat kam from God. So eniwan hu hemi somaot lav olowe, hemi man hu hemi stap joen wetem God, an God hemi stap joen wetem hem.

1 Jon 4:16 Iomraidhean Croise

Sams 31:19

!Lod Yawe, yu gudfala tumas! Long ae blong olketa pipol long wol, yu bin gohed fo givim olketa gudfala samting long olketa pipol wea i tinghae long yu an i trastem yu fo sevem olketa.

Aesaea 64:4

No eniwan hemi lukim yet enitaem o herem yet enitaem, eni narafala God hu hemi olsem yu, wea hemi save duim olketa bikfala samting fo helpem olketa pipol hu i trastem hem.

Gudnius abaotem Jisas Kraes wea Jon hemi raetem 6:69

An mifala biliv an savegud dat yu nao disfala Holi man blong God ya.”

Gudnius abaotem Jisas Kraes wea Jon hemi raetem 9:3

Nao Jisas hemi ansarem olketa olsem, “Nomoa, sin blong mami an dadi blong hem o sin blong hem seleva hemi no save mekem hem blaen olsem ya. Bat hemi blaen fo mekem olketa pipol save lukim waka wea God bae hemi duim long hem ya.

1 Korin 2:9

Hemi olsem Buktambu hemi talem finis, “Wanem God hemi mekredi long hem fo olketa hu i lavem hem, hemi samting wea no eniwan hemi lukim o herem kam yet. Hemi samting wea no eniwan hemi tingse bae hemi hapen.”

1 Jon 3:1

!God hemi lavem yumi tumas! Dastawe nao hemi sei yumi nao olketa pikinini blong hem. An hemi tru tumas, yumi barava olketa pikinini blong hem. Bat olketa pipol long disfala wol i nating save long God, an dastawe olketa nating save long yumi tu.

1 Jon 3:16

Bikos Kraes hemi letem hem seleva fo dae fo sevem yumi, yumi save nao long barava tru lav. So yumi mas wiling fo letem yumi seleva dae fo olketa nara Kristin tu.

1 Jon 3:24

So eniwan hu hemi gohed fo obeim olketa lo blong God, hemi stap joen wetem God, an God hemi stap joen wetem hem. An God hemi givim kam Holi Spirit long yumi, mekem yumi save dat God hemi stap joen wetem yumi olowe.

1 Jon 4:7

Olketa gudfala fren, yumi mas lavem yumi evriwan bikos wei blong lav hemi kam from God. An evriwan hu hemi lavem olketa nara pipol, olketa i barava pikinini blong God nao an olketa nao savegud long hem.